男女雙方未變情侶時，除了食飯揀餐廳有學問之外，埋單同樣有學問，有男生認為 AA 制就夠均真，但也有女生認為男生應該請食飯。有網民在 Facebook 群組留言問道「食平嘢搶埋單，高消費 AA 制，依家係咪變得好平常？各位巴打絲打有咩睇法呢？」旋即引起各位巴絲打大量留言。
有網民認為高消費 AA 制，全因是現時物價貴到一個點，但人工就無乜得加，下下要男方埋單，反問是否女方是否要這麼市儈貪小便宜，更表示若然兩個人真的結婚，兩個也有份分擔一頭家的洗費，查實都是 AA 制表現的一種。也有網民留言「男女平等，AA 制好平常。」
【精選消息】
【精選消息】
不過，也有巴打表示如有錢的，請食飯都無所謂，更表示一人請一餐，又多個機會見面。另外，也有網民表示自己普通食飯會 AA 制，慶祝生日等才會請食飯。此外，有絲打留言表示支持 AA 制，皆因免得被人翻舊帳，就算是一蚊一毫也不拖不欠。
網民留言
「女朋友既話大家一齊開心無咩所謂 ～ 我有能力俾晒就會俾晒 ～」
「我令願 AA 制，都好過有啲人扮闊綽懶大方，然後又覺得肉痛，又係背後數你。個啲仲 X 街。」
「AA 最公平」
「有著數先會提男女平等，想人益自己就強調自己係女人，所以根本唔可能有男女平等，而且都唔需要有，基本互相尊重問題搞到咁複雜。」
「最好AA啦，自己又唔係殘廢洗咩人請，大家都係打份工就算人地肯請你，你都唔一定食得好意思。當然如果好熟又另計。」
「不嬲都係 AA / 每人俾一餐，對方生日就會請對方食飯當禮物。」
Source：巴打絲打 Facebook Club