iPhone X 開售不足 15 分鐘，香港 Apple Store 的各款型號已被搶購一空。先達點睇呢個瘋狂程度呢？答案係：「降目標價！」前日仲係超級好友的先風數碼負責人阿龍話：「雖然香港開賣好快就搶完，但睇返大陸嘅情況，AOS 仲有得訂，5 至 6 星期到貨，似乎都唔係真係太缺得咁勁，目標價由先前 +HK$30,000，下調至 64GB 收 HK$18,000、256GB 收 HK$23,000。」
數碼匯負責人阿勇前日話睇公司貨開盤再估價，今日就估出一個更保守的價：「暫時預計 64GB 收 HK$14,000 至 HK$15,000，256GB 收 HK$16,000，不過公司貨價未知住，可能視乎公司貨價再調整。」
另外，除了大陸 AOS 長賣長有外，台灣 AOS 一樣有貨，出貨期同樣為 5 至 6 星期。而全球多地的 AOS，其實也只得香港無得訂。
Source：ezone.hk