iPhone X 回收價昨日一度下跌至原價，甚至有都市傳說話先達已經唔收 iPhone X，「果農」擔心，花生友就好開心。不過，ezone.hk 記者周日於不同時間到先達採訪，唔少店主都話「點會停收？」今日更出現唔夠貨，令 iPhone X 回收價持續升價的情況。
先達商戶透露，價錢跌到接近原價後，開始出現強勁買盤，因為始終香港的 iPhone 價錢沒有銷售稅或增值稅，所以都係較抵，不但吸引大陸買家，亦有東南亞及中東等未開賣 iPhone X 地區的買家。
【熱門報道】
今日 iPhone X 回收價可以話由早升到晚，升 HK$150 至 HK$350 不等，ezone.hk 記者更於場內聽倒好多店舖大叫「邊個有 256 黑」，可見 iPhone X 256GB 太空灰版非常渴市，但回收價尚未回到首日的水平。有消息指，Apple 經過 3 日 iReserve 派貨後，明日或暫停供貨，有機會令回收價上升；惟「公司貨」才是「果農」的大敵，明日是升是跌，也難以預計。
Source：ezone.hk