太太生日正日，撞正丈夫要在婚禮上「做兄弟」，不能在正日陪太太過生日。看似小事一樁的事件，竟然讓太太在討論區撰文抱怨丈夫無法陪自己，難道真是生日大過天？
這位剛剛新婚的太太，表示與丈夫結婚數月，丈夫曾就幫舊同事的婚禮「做兄弟」一事上，問她意見，但當時她已經表示反對，原因是她與丈夫結婚時，雖然無擺酒大宴親朋，但補食飯時也請了這位舊同事，結果這位舊同事臨時有事不能來。再加上丈夫與這位舊同事一年也不見一次，根本難稱得上是朋友，所以她就反對丈夫去「做兄弟」。
結果丈夫應承去「做兄弟」，還要撞正自己生日的日子。丈夫更表示幸好舊同事婚宴「擺日頭」，這樣打後時間可以陪她。之不過，她就認為既然問得自己意見，不聽不得止，還要撞正生日，反問句「究竟老婆緊要，還是同事緊要？」
【精選消息】
【精選消息】
網民們見到這篇抱怨文，有的就叫其不要小事化大，其實夜晚陪你已經不錯。又表示其實生日不用全日對住，有半日都好好。也有網民嘲諷表示咁都好嬲，咁咪日日為少事係咁嘈嘈嘈！更有網民表示樓主小器又自私，好易離婚收場。此外，也有網民以過來人方式，留言給樓主表示當磨擦愈來愈多，感情就會隨之而減去，有日更會減到變成陌生人；又表示兩個人結婚，除了原則性的錯，沒有邊一個啱邊一個唔啱，要學習接受。當數年後看回此事，你會發現不值一提的時候，又何必要發大脾氣去嘈呢？
部分網民留言
露露米高：唔好小事化大啦，下晝同夜晚都陪到你已經唔錯啦
大腸包香腸：又小器又自私
憤青1號：幾十碎人仲係生日大晒
落雨露：生日年年都有，做兄弟有幾可，咁都投訴
謝霆鋒：就係你呢啲女人永遠只照顧自己感受
QBear2nd：我以前都犯過樓主條仔個問題，之前搞緊一 d 組織玩玩下因為時間問題退出左比佢 Hi 到 Hi Hi，後尾入返又比佢爆多鑊。之後有咩大小小決定都問左佢先，就算有答案都傾左先
假果：一段婚姻既長短，就睇你識唔識做人既姐。做下小女人，嗲佢兩句，放你個男人去。等佢完左個濕勁婚禮，到時你要佢陪你去旅行又好乜都得啦！不過你就摙住你老公個春袋，要佢兩頭做人難。
大香蕉：樓主，我都係絲打，如果我老公決定去做一件事，如果我唔想佢做既，我會直接問佢點解佢要去做，而唔係自己猜測同私下投訴。我相信您老公都一定有佢既原因先去做人地兄弟，您認為唔重要既人 / 事，未必同您老公一樣。我男朋友既好朋友，好多都係一年見一次咁大把，兄弟心照就 ok。唔去您婚禮您就記恨人地，您都幾小器。多 d 企喺老公立場諗吓啦，唔好太自我中心一定要老公圍住您轉。
Source：forum.hkgolden