究竟香港人講粵語夠唔夠正宗？有網民在討論區出帖，指有大陸人話動港粵語唔正宗，隨即引發熱烈討論。話說網民「蜀漢昭烈帝」日前在連登帖指：「網上識左個肇慶人一齊打機，我笑佢廣東話發音唔標準，跟住佢話肇慶先係粵語發源地，香港、廣州音先係唔標準。」作為香港人，若被指粵語不夠正宗，你又會點睇？
【熱門報道】
不少網民都認真解答，有人表示粵語本身有很多分支，無話邊個正宗唔正宗，並指出：「除非你係外省人嚟學，先至可以話佢發音唔標準。」另有網民表示：「其實個 post 可以由生命起源探討。」似乎這位網民認為正唔正宗其實難以深究。討論中，有不少留言都很精警，例如「你同佢講，話你講緊香港話，唔係廣東話」及「其實香港粵語係唔正宗，但香港人講既粵語既口音係最好聽」。其他精采留言節錄如下：
摩西：啱呀，香港話自成一派仲好
返工打飛機：正宗？ 打詠春咩
三潤面黃：粵語起源地古時稱為廣信地區，即現今封開縣及梧州市一帶，若以稽古粵音嚟講，兩廣交界之粵為最近源頭，當中亦包含了粵語之正音，例如香港廣州經常講時間（gaan3），但正音為（gaan1）。
關愛座hunter：我地識講標準港式廣東話就得啦。邊道國際影響力大就邊道話事肇慶？一出廣東地區邊 X 個會識呀？
開支散葉之後咪各有各精彩囉
尾燈都睇唔到：大家互相欣賞下咪得囉，冇話邊個正唔正宗既，只不過香港係49赤化之後做咗廣東文化燈塔，所以先最大影響力遮。
龍虎切：香港粵語唔係正宗，不過當年個個睇cctvb大，香港人講粵語先變流行。
快手：廣東市啲人講廣東話尾音長啲清晰啲, 香港人講廣東話相比之下尾音會省略左
薄荷藍：語言最重要係溝通，你叫起源地既人落來香港買個飯，無人聽得明既話，你幾正宗都係會餓死
Tommy：英式都唔係啦「正宗英語」根本唔存在，因為語言根本冇存在過「正宗」嘅概念
Source：LIHKG