iPhone X 最近開賣，雖然炒風不勁，但香港各區的 Apple Store 門外，都依然多了一些「收機佬」或求購 iPhone X 的人士出現。不過，像圖中這些「乞求」iPhone X 的人士，似乎就不多見。有位 Matthew 昨日於「巴絲打 Facebook Club」專頁上載相片，相中看見一位洋漢，坐在 IFC Apple Store 對出、通往中環碼頭的天橋，拿著「Help me to get iPhone X」紙牌，面前放著一個疑似錢兜，身邊則有一支水。樓主出相就附上描述，寫道「騙徒手法層出不窮，見佢咁誠實我擺低左 5 蚊。」似乎，這位洋漢並非希望「收買」iPhone X，而是在行乞，希望儲夠錢去買 iPhone X 吧！
本來行乞就沒有甚麼花生（亦不應該成為「花生」吧），但如此誠實行乞去買 iPhone X，再加上這位洋漢外貌算英俊，就似乎要來兩斤花生吧！好，記者化身「小二」且看其他網民點睇吧！（以下節錄至部分網民回應）
網民 A：至少佢老實
網民 B：句英文點解？網民 C 回應：很想要吧！
網民 D：以佢個樣賣身或者得既，應該好多港女貼錢比佢
網民 E：佢吾會冇女朋友既 佢應該同D朋友輸賭者
網民 F：試下係中國人 啲留言一定好唔同
網民 G：夠老實，起碼好過嗰班口裏說不身體卻很誠實，又要 X 又要落嚟 X 社會福利嘅"新香港人"!
網民 H：名等睇班港女又幫啲鬼佬講好說話
網民 I：港女呃兵仔送iphoneX,然後咪可以轉送比白人囉
網民 J：外國人生活態度
網民 K：佢可能做緊實驗, 睇吓要幾耐先可以乞到一部iPhone X呢...
網民 L：鬼佬行乞叫浪子，港佬行乞叫人渣
網民 M：好多西方人創業，達成夢想，都是透過眾籌，係華人世界是比較自私啲
網民 N：送部full load 緊既note7俾佢
網民 O：憑著佢個笑容 我比十蚊佢
Source：巴絲打 Facebook Club