稍早前網絡上瘋傳一輯鞋底粉碎，變到像 Oreo 朱古力餅碎的相片，事緣是有學生在 present 時，鞋底因老化而粉碎，令班處的同學哄堂大笑。如今，即有疑似事主在同一個討論區開 post 大方作出回應，指自己心情已經平伏，更謂拎得起放得低，但因為女朋友擔心事主擔心得落淚，於是決定開 post 回應，讓女友安心。嘩！有個女朋友咁為自己，其實根本就係「放閃」post！
事主在文中表示，套西裝同對鞋其實是問親戚借的，更不說不知原來對皮鞋親戚 10 年前結婚著完後一直封印至現在，而最後對鞋就正正在 present 當日粉碎，而事件發生的時候，自己雖然嬲到走了出門口，但很快就冷靜回來換對鞋繼續 present。之不過，女朋友見到討論區照片瘋傳過後，再加上事主這數天家中經歷的事情，怕刺激到事主，擔心到喊怕事主會做出傻事。
但其實事主表示自己拎得起放得低，但見到女朋友咁為自己，於是出文叫女朋友放心，更搞笑地說假如對爛鞋相可以令人由不開心變開心的話也不會介意。最後還對其姨丈說句 Sorry，皆因將一對有紀念價值的鞋整爛了。
【精選消息】
【精選消息】
網友們見到這個回應 post 後，紛紛「正評」事主，截止現時為止已有 6 千多個「正評」。更留言表示真男人、加油等。有的網友留言，件事過幾日就不會有人記得，更叫事主珍惜女朋友。
部分網民留言
尷尬發射站：過幾日冇人記得㗎喇
音樂噴水鮑魚：其實冇咩好笑，如果當初你自嘲下，繼續 pre 其實真係冇乜特別。不過又好難怪班上面（職場）永遠有 d 幼稚既人，會追住呢 d 小事黎無限放大，無謂同佢地一般見識，下次 EQ 可以再控制得好 D。
講就天下無敵：真男人
有無咁快手：我明，加油啦後生仔
改錯名就一世：希望樓主原諒我笑左。難關難過關關過，祝你事事順景
毛孩守護者：加油！第時大個仔賺到錢買對靚既
濛：夠大方，真男人
為鳥而下雨的雲：香港人好善忘，放心啦
波士掉我落街：真心覺得樓主幾型
滷肉范冰冰：型呀樓主！
如我知錯：加油，女朋友唔錯值得加分
Source：lihkg