已為人母的孫慧雪，稍早在 facebook 發帖，控訴某公司不停用藉口拖數，並公開WhatsApp 對話截圖。孫慧雪在文中表示：「咁樣係唔係已經走咗我數？其實每次工作我都好盡力同好爽快地完成，然而每次追數都好似我要求人咁，有試過因為爭成年，我先開口問，都被人話我Chur住追數⋯⋯但我真係做咗！自問都好有禮貌呀？點解要求出糧好似我做錯咁？呢單仲要大住肚來做，我覺得咁樣都走數，真係好無良，我好嬲呀！」
【流動】
【網絡熱話】
根據WhatsApp 截圖，這家公司至少由 5、6 月開始，已經開始拖數。對方回應包括：「因為公司係一個月出一次數，所以今個月底係一定有的」、「你啱啱生完BB，恭喜晒先，我唔想你上嚟咁辛苦，我入數俾你好嗎？」、「我將票俾咗 acc 嗰邊嘅人叫佢幫我入，但佢放緊假，應該未入票」等，可是每次到最後，還是沒有找數。
不少網民都為孫慧雪感到不值，留言包括：「好明顯一直hea住你啦，餐餐都話果個人放假，從對話中睇得出你太仁慈了吧!! 佢食住上拖字訣!! 冇陰公大肚婆血汗錢都呃」、「雪雪媽咪，你不如搵律師幫你啦，去小額錢債度告果間公司，因為實在太離譜」、「我都想問下佢間公司咁好，啲finance dept嘅人可以個個月都放假，我都想入去做呢」等。雖然孫慧雪沒有公開對方公司的名字，但有網民推測，是一間以社會實驗成名的 KOL 中介公司。
後來孫慧雪在留言補充：「好多謝大家咁關心我呀！同替我不值！其實該公司嘅前員工都同我講，話我而家whatsapp緊嘅其實唔係佢，所以我都唔知邊個？而好多人已經中咗招，亦有好多人搵咗小額錢債向呢間公司索償，但佢哋真係同嗰啲人慢慢玩，日日上庭，就算判咗上告人勝訴，都有半年俾佢慢慢還！而佢地公司亦已經無再運作，有人話佢哋已用其他公司名，所以大家小心啲，都係簽晒文件先！或者要求deposit!!謝謝。」
Source：Snow Suen 孫慧雪