香港出名是「投訴之都」，有老闆要求員工事事順從客人，相反也有老闆寧願趕客走。最近便有網民拍下一間餐廳的告示，上載到「巴打絲打 Facebook Club」群組，告示內容相當「串咀」，惹來網民大量回應。
【網絡熱話】
【網絡熱話】
餐廳的告示內容，似乎出自老闆之手，表示：「致各星級食家，咪＿咁肉酸，最低消費三條野 $30 (每位)。如覺服務態度久佳請啞忍，因為伙記仲惡＿過腦細。啲嘢唔啱食都計，收費已經咁＿平，你真係當自己食神呀？！要扮食家請去真嘅米芝蓮。腦細字。」
網民對此反應兩極，贊同的表示：「夠真」、「事實唔怕講，唔岩食就走，好正路」、「冇辦法...太多投訴＿」、「咁先唔會違反商品說明條例」等。對此反感的，則留言：「即走啦，最憎d鋪頭懶有性格，搞埋d咁嘅花臣，都唔慌佢有心做好食物」、「收皮啦，免費都唔食」、「點解咁多人會讚好，做得飲食，唔好食就係唔好食，點可以啞忍？三十蚊唔係錢呀？唔通要食夠三千銀先可以批評呀？不思進取，難怪香港而家D食肆越來越差！」等。
Source：巴打絲打 Facebook Club