所謂「千里送鵝毛，禮輕情意重。」究竟是花心思的手作禮物好，還是花上數千元買的禮物好呢？最近討論區有位女網民就覺得自己男朋友送了一份令其幾失望的生日禮物，還表示自己的心底好唔平衡，於是選擇放在討論區中討論。
話說這位女網友的男朋友已經全職工作，最近想儲錢於是決定加多一份兼職散工；而女網民還是讀緊書，亦有返兼職，即使是拍拖食飯，兩人也是回家吃，或是譚仔、老麥，沒有要花費很大。當中女網民就指近半年來，男友一份禮物也沒有買給她，所以十分期待當天生日的安排，結果當晚女網友收到的，是男友整的手作爆炸盒（explosion box），以及去了一位朋友的餐廳食飯，還要有半價折扣。於是女網友就覺得自己曾經花 4 千多元買禮物送給男朋友，平日也不介意慳一點，但倒頭來覺得男友不肯花多一點點錢在好身上，感覺很不平衡。
【精選消息】
【精選消息】
此文一出即引來大批網民留言，兼過千個「負評」，大多也是指女網友太物質化，女人永遠計埋啲小數目，又問女網友拍拖是否只為收禮物，出街去玩哪些又不計，更留言叫其男朋友分手算數。而有網友更表示，寧願收到花心思的手作仔，總好過由金錢埋砌出的禮物。
部分網友留言
心束頁：有心係無用，最後都係講錢
魷魚在夢幻國：男人老狗肯花時間整 DIY 野俾你，仲要係爆炸盒，你仲想點？平時返工放工唔攰呀？
淳茶舍：講真收爆炸盒好過收物質野啦！如果有以後既話，生日節日紀念日，物質野可以收到你唔想收，心思野先係男人愛你既表現。
大蔥：儲錢係為左你地將來呀，有咁難明咩！女人永遠都係計較埋 D 小數目
直播打女友：飛左佢 la，叫你男朋友飛左你呀！
如果沒有：我都想收到男友整既手作 ... 樓主你已經好幸福好好珍惜啦
DreamB(冇丁)：你心態好有問題，有冇計埋依半年加哂所有野邊個比得多啲
夏日的魅力：比錢買又話無心思，整禮物又話唔洗錢係你身上，呢個世界就係太多樓豬你呢 d 女人搞到 d 男人咁卑微
世無雙：你唔係鐘意你男朋友，你只係鐘意錢，唔好晒大家時間啦
Source：lihkg