相信不少人對四腳蛇（簷蛇）都不會陌生，細細個仲會被長輩嚇，話如果拍打四腳蛇，其尾巴會飛入你的耳仔呀！連登討論區有絲打日前遇到四腳蛇，但奇就奇在，這位名為「屋寸小公主」的樓主，誤將一條四腳蛇隨碗放入雪櫃，仲要雪了一整晚，發現後把牠拿出，不知如何是好於是附上相片（下圖）出帖求教。
相片所見，四腳蛇「完整」無缺，但當時身體就未知是否還健康，樓主表示「佢條尾試過郁兩郁」。其他網民見到這個情況，議論紛紛，但不少都是玩嘢答案，例如：
．放入微波爐叮番熱佢
．放落熱水解凍先啦
．冬眠姐
．幫佢做 CPR 仲有得救
．用口含暖返醒佢
以上回應，當然就應該幫唔到四腳蛇仔，但有部分回應，似是認真，但又難以確定是否有用，例如：
．整暖返佢個身先啦！有冇暖包？
．隔幾張紙放佢係暖包上面，暖番一陣就識行識走
及後樓主表示：「佢而家胳肋底落少少嗰個位有規律咁郁 應該仲有心跳。」但就未有透露究竟對四腳蛇做過咩「急救」措施。再之後，樓主又表示：「佢而家個頭岳岳 個心跳得幾快下。」似乎樓主此時相當擔心。另有網民就表示「講真，無野，佢冷血動物黎，擺佢係室溫一陣就 OK。」
數小時後，樓主再回應，話將四腳蛇放在爐邊，爐有煮野所以都算熱，之後走咗上牆。然後樓主更上載四腳蛇最新圖片，話「佢冇事了（暫時）」。根據維基百科，四腳蛇喺地球上生活超過五千萬年，並且遍佈全球。因為佢有好強嘅適應能力，能夠喺好多環境下生存，好似沙漠同埋熱帶地方。
Source：LIHKG