早前香港快運（HK Express）在「黃金周」期間取消 18 班航班，令大量乘客受影響，未知大家在未來聖誕旺季，又有無購買 HK Express 的航班去旅行呢？如果你得知以下消息，可能會令你擔心旅程會否有變掛！今天，立法會經濟發展事務委員會就早前 HK Express 突取消 18 班航班進行討論，公民黨立法會議員譚文豪在立法會及其 Facebook 表示，委員會今早收到香港快運航空及香港航空的機師公會的信件，信中提到公會由今年 6 月下旬起已按章工作；譚批評民航處「今日先知」，「次次都要件事爆咗出嚟，先識得去補救」，認為處方後知後覺。
譚文豪在 Facebook 發帖表示：「民航處一直信晒 HKExpress，上次炒 security instructor 搞到黃金周取消大量航班，就係相信佢搞得掂，結果搞到一鑊泡之餘，照續咗 5 年牌俾佢；而今次 HKExpress機 師工會由 6 月開始『按章工作』工業行動，足足半年民航處竟然都唔知情，係咪太後知後覺？」
【網絡熱話】
【網絡熱話】
譚指根據民航處數據，在 2016 年冬季及 2017 年夏季，快運航班取消率分別為1.11% 及 0.7%，遠高於國泰航空的 0% 及 0.01%，以及港龍航空的 0.01% 及 0.12%，並促請民航處正視問題，同時對接下來的聖誕及新年檔期表示憂慮。
Source：譚文豪 Jeremy Tam