早前瘋傳謝霆鋒 Chef Lemon 在米芝蓮晚宴上，用摩打手「唧朱古力」的影片，相信大家應該也有看過吧，之後更有藝人張敬軒、鍾舒漫都出來「抽水致敬」。但意想不到的是，竟然連政府環境保護署出品的「食唔嘥，唔好亂咁嗌」嘅大嘥鬼，都出嚟抽水！
呢隻大嘥鬼在其 Facebook 專頁，可謂圖文並茂地抽水，先見大嘥鬼穿著與 Chef Lemon 一樣的禮服，然後起勁地唧出「不要玩食物」五個大字，並寫上〈無聲仿有聲〉的歌詞「領略時未需解碼」，並叫朋友仔千萬不要人做你又做，為咗學到絕世秘技而浪費食物。還有「#酒精直接倒在傷口上」、「#給自己縫針不喊不哭」的 hashtag，連 Chef Lemon 的 17 歲自己縫針網絡潮文也拎埋出來！
【精選消息】
【精選消息】
難怪此帖一出即引來各方網友讚好及分享，部分網民更留言「太平洋都畀你抽乾」，意指抽水抽到盡。有的則留言同大嘥鬼講「你好鬼正！」、「點夠你玩」等。部分更直指大嘥鬼的 Facebook 管理員小編太厲害，留係度做小編太過浪費咁話。
Source：大嘥鬼 Big Waster