如果之前有看電視劇《不懂撒嬌的女人》，都知道劇中女主角宣萱飾演的 Mall 姐是很一個精於商場管理，有能力將商場點石成金的人。如果 Mall 姐是生活於現實世界，對著以下幾個那些年潮流商場，又會否有能力扭轉乾坤呢？因為最近有報道提及，如太子聯合商場、旺角潮流特區、銅鑼灣地帶、金百利商場等的那些年潮流精品商場，來到今日已愈做愈淡靜，場內不約而同地接連出現十數個至數十個空置多時的舖位，距離死場之期不遠矣。
【精選消息】
【精選消息】
現實上有 Mall 姐的話，或許有能力改變現況，不過 Sorry，現在只得全能網民吃住花生，熱談當年潮流商場淪為今日死城的原因，而他們的分析也只不是講「貴租死全家」這類人所共知的理由，的確是有理據可言的。例如「呢啲細場咪又係賣淘寶貨，點解唔自己淘」、「劏到個場迷宮咁，點行，輕鬆喺屋企上網買，又唔洗出街，又平啲」、「寧願儲錢去旅遊或者買樓」等，當中有些留言更可以說是說出了重點來，相信大家看過會覺得不能認同更多，就是「香港人好肯買嘢，不過係飛去日本買」，以及「有錢都留番去日本用啦，香港？不了」！
這篇報道所提的潮流商場，對不少 70、80 後而言，的確記載了不少成長回憶，且怕如今見到這些商場愈做愈細，應會感到心有戚戚然。有網友有感，這些商場淪落至此其實也是業主賺盡手段之一，「呢啲場係將個場有咁碎切咁碎，呃人入場買舖食管理費，變死場就向下炒，搞幾年等啲小業主止蝕離場。佐敦廣場就係咁玩，你唔走就食管理費吸乾你，走就蝕八九成賣番俾大業主」。雖知道香港人做生意，很多都想賺到盡笑住收錢，但如果要將市民的集體回憶滅絕，往事只能回味，哪又何必呢？sosad。
部分網民留言如下：
「呢啲細場咪又係賣淘寶貨，點解唔自己淘」
「劏到個場迷宮咁，點行，輕鬆喺屋企上網買，又唔洗出街，又平啲」
「寧願儲錢去旅遊或者買樓」
「香港人好肯買嘢，不過係飛去日本買」
「有錢都留番去日本用啦，香港？不了」
「舖租根本就唔值咁貴，做餐懵都唔夠交租，梗係吉啦，潮特果啲二千蚊一個月就差唔多。」
「一早話淘寶淘汰本地零售」
「家陣淘寶加集運咁易，師奶阿姐幾個夾個倉集運定期買完連落嚟，聯合想唔死都唔得啦」
「都唔係租嘅問題，冇人行人工都圍唔到」
「網購無打殘中國，就先打殘香港」
Source: hkgolden