「觀音兵」本來是廣東俚語，意指被女生差來遣去的男生，後來在網絡上，索性簡稱做「兵」，近 10 年更「發揚光大」。日前，在 facebook「名校 Secrets」專頁，便有一名自稱就女校的女生，表示有男仔鐘意自己，但又不喜歡人，然後再請教阿媽，不料阿媽竟然教路，叫阿女收他做兵。帖子出了之後，即惹來網民熱議。
【科技】
【動漫電影】
原文該名女生撰文寫到：「[某女校] 近日有消息人士透露有個男仔中意左我，但係我唔中意佢。我問阿媽應該點做，因為我阿媽以前係女神好多人追，我以為佢會叫我唔好理佢，點知佢叫我，收佢兵再收佢皮，收兵好過嫁人呀呀女。」
由於該名女學生稱自己媽媽是「女神」，成為一大關注點。網民留言表示：「我比較想請教下你阿爸」、「你呀媽咁女神冇圖唔得喎」、「咁妳啊媽究竟衰係邊個男人手下」、「原來樓主爸爸只係兵一隻」等。至於其他留言，當然少不得金句：「條女很清楚收兵好過嫁人」，基本上大家都是食花生居多。
Source：名校 Secrets