世上沒有很多個蔡加讚可以「成功需父幹」，也沒有很多個「Package Lau」劉鳴煒，可以「樣子跟整個 package 並重」，所以作為男人的大家，努力工作，為身邊所愛帶來好生活還是必須的。之不過，現實是殘酷的，未必賺到錢的就是好工，事關有位網名叫「麥明詩」的絲打，就出 post 大數男友想繼續做機場看更，不努力投考紀律部隊是不求上進的表現，強調「雖然看更同紀律部隊都係巡邏、檢查嗰啲嘢，紀律部隊起碼受過專業訓練，識開槍識法例識步操，又奉公守法，同埋受社會尊重，又薪高糧準，又有唔同福利」之外，也擔心親友問起男友的職業時，答「看更」是失了霸氣，「話紀律部隊，感覺都唔同啲啦」！正因如此，「麥明詩」乘機請全能網民評理，但一眾網民的回覆，似乎不如「麥明詩」的預期。
【精選消息】
【精選消息】
「麥明詩」認為：「紀律部隊唔升職既話，人工都會照升啦，最高起碼三至四萬，又有宿舍，又有其他福利，看更有咩？」，可是網友的意見，多數表示不認同，更覺得男友人工有「兩萬幾咪幾好」、「份份私人市場既工都係咁㗎啦，其實兩萬幾已經真係唔錯，上到做保安主管，就唔只 20k 了」。但當然，「麥明詩」明顯對男友這份人工不感滿意：「冇宿舍、冇福利、冇前途，兩萬都唔算多啦」。
縱然她強調「唔係錢，係前途、福利問題」，但已有網友突破盲點地反指：「有錢咪有前途，有錢就有福利，呢個唔係錢嘅問題係咩問題？」，更建議她「係睇唔起條仔做看更咪同佢講囉，最多咪分手」。另外也有網友問「麥明詩」，「鍾意佢個人定佢份職業？」，更續指：「你同佢諗法唔同，成個機場既保安係你眼中都係垃圾看更，咁我支持你快快趣飛左你口中個看更男朋友，溝個搵多啲錢嘅紀律部隊男朋友啦，唔好耽誤你嘅青春同佢嘅人生」。到底「麥明詩」真不滿男友職業，還是一句到尾是嫌棄對方無錢無 package 呢？相信大家已經心中有數。
精選網民留言：
「份份私人市場既工都係咁㗎啦，其實兩萬幾已經真係唔錯，上到做保安主管，就唔只 20k 了」」
「有錢咪有前途，有錢就有福利，呢個唔係錢嘅問題係咩問題，人唔笑狗都吠。你係睇唔起條仔做看更咪同佢講囉，最多咪分手」
「識步操都叫技能？」
「你真心覺得而家做警犬好有社會地位？」
「紀律部隊起碼受過專業訓練，識開槍識法例識步操，又奉公守法，同埋受社會尊重。你講緊笑？」
「係咪我廢？我覺得有 20k 已經好好」
「分手啦，放過你男朋友」
「紀律部隊有咩咁好？好似柳記咁，冇個好人啦」
「做老闆都冇福利，不過都輕輕鬆鬆 KEEP 住搵到 3 至 4 萬一個月，都係襯你唔起嫁啦」
「你鍾意佢個人定佢份職業，佢都有自己諗法，覺得喺度有得升、有前途，不過你同佢諗法唔同嘅，成個機場嘅保安係你眼中都係垃圾看更，咁我支持你快快趣飛左你口中個看更男朋友，溝個搵多啲錢嘅紀律部隊男朋友啦。因為你要靠男人畀將來，同唔到佢一齊努力，唔支持另一半做自己想做嘅事嘅女人，唔好耽誤你嘅青春同佢嘅人生」
Source: hkgolden