Samsung Pay加入Smart Octopus 將智能手機同八達通合二為一 仲醒你$80八達通增值額奬賞。
香港有唔少支持Samsung嘅用戶，你哋有福啦！近排Samsung同八達通齊齊合作，推出首個支援八達通嘅流動支付錢包，只要你係用緊Samsung指定手機（支援Galaxy Note8、S8、S8+，稍後將會加入更多型號）、就可以喺Samsung Pay加入Smart Octopus，唔單止可以响所有裝有八達通機嘅地方用得到，於網上購物、康樂設施、自助服務亭、甚至屋苑或者辦公室門禁系統上使用都一樣無問題，最重要嘅係仲有$80八達通增值額奬賞添！咁着數仲可以咁方便，即管睇吓Smart Octopus有乜功能先！
簡便一體化 手機一嘟搞掂晒
今次Smart Octopus係透過「空中下載」（over-the-air）技術，俾智能手機客戶一個快捷簡單又無間斷嘅NFC流動支付選擇！好技術咩?唔緊要，簡單嚟講，就係客戶可以隨時喺Samsung Pay加入新嘅Smart Octopus或者將現有嘅租用版實體八達通轉移至Smart Octopus，之後就可以一機在手，輕鬆喺各大接受八達通嘅零售及交通點俾錢。而且只要响2018年1月21日或之前，成功响Galaxy Note8、S8或S8+嘅Samsung Pay內，加入全新Smart Octopus或轉移現有實體八達通，就可以獲贈港幣$80八達通增值額，優惠數量有限，送完即止。
將智能手機同八達通功能合二為一，用家不單止更方便，係屏幕關閉模式下，都可以進行付款，就算手機無電，都可以响有限時間內繼續使用幾次咁多(當手機缺電關閉時，只要客戶唔強行開機，即可於有限時間內繼續使用數次)。！
每次進行交易後，Samsung Pay都會發出一個推送通知，客戶更可以响Samsung Pay內查閱返最近40次嘅交易詳情。客戶為Smart Octopus增值仲可以選擇唔同嘅方法: 1/ 好似平時一樣同銀行申請自動增值服務，2/ 以現金喺指定服務供應商增值，3/ 裝埋八達通App 用O! ePay轉賬，4/ 客戶亦可以透過Samsung Pay已登記嘅信用卡按需要隨時手動為Smart Octopus增值(須支付2.5%增值服務費)，急須用錢既時候，真係幫到手架。
除咗一般付款功能外，Smart Octopus亦可以用作辦公室或屋苑門禁系統，仲同時支援泊車咪錶、隧道及停車場收費，對駕駛人士嚟講絕對係超方便之選。
怕自己大頭蝦唔見電話? Samsung本身有個「Find My Mobile」功能，同樣適用於Samsung Pay Smart Octopus，如果咁不幸遺失咗電話，只要電話有網絡連接，就可以鎖定或清除Smart Octopus，唔洗擔心俾人盜用！
Smart Octopus同八達通一樣，設有港幣$50可退還嘅按金之外，亦備有可使用一次嘅$50備用餘額，搭車就唔驚未增值啦~
依家Smart Octopus支援Galaxy Note8、S8、S8+流動裝置，遲啲就會推及到更多型號，相信不久將來就會成為大趨勢。
優惠受條款及細則約束
了解更多Smart Octopus同優惠詳情:http://bit.ly/2C5FVzJ
(圖片只供參考)
Info by︰Octopus