每逢上、下班繁忙時間，港鐵月台及列車總是水洩不通，市民無不多等幾班車才能上車。據本地傳媒報道，港鐵近日擴大特別列車安排，繼荃灣線後，觀塘線早上繁忙時段也會開出特別班次，當在調景嶺或黃埔總站落客後，會以不載客形式運作，直接「空車」駛至黃大仙站或九龍塘站接載乘客，疏導這類下游車站的人流之外，也讓乘客減少等候時間，加快上車。消息指，目前每日約 10 班市區線「空車」由總站直駛往中途站載客，稍後評估成效，但承認在新安排下，多了市民投訴港鐵列車「飛站」情況。沒錯這方案是證明港鐵終於知道繁忙時間的車站擠迫情況，不過觀望不同討論區的網民意見，他們就覺得特別班次只是治標不治本之策，因為「人口嚴重超載」，單是加開班次其實沒意思。
【精選消息】
【精選消息】
觀塘站、九龍灣站、九龍塘站等港鐵觀塘線大站，在繁忙時間的擠塞程度，素來不比港島線中環站及金鐘站遜色，早前港鐵也曾試過在早上繁忙時段，關閉觀塘線部分上游車站入閘機以疏導人流，但當然這個方法並非良策，方案一出全城鬧爆。因此今次港鐵加推觀塘線特別班次的政策出台，網民反應似乎是負評居多，如：「香港人口嚴重超載，搞幾多野都係冇用」、「無第二條路軌爬頭，架吉車咪又係照樣係後面排隊站站停」，甚至有網友認為「叫公司改番工時間重有效啦」，因為不用全城朝 9 晚 6，大家同一時間坐港鐵塞爆車站，但當然，各位上班族的腦細又會否想有相關安排，就另作別論了！
撐港鐵新方案網民表示......
「其實已經好好，起碼你等到第 10 架正常一定入到」
「終於有德政，早就要啦」
「間隔開班空車清晒月台班人每班車就順好多」
「每日實測金鐘站其實算有效喎」
網民有感方案治標不減本：
「留明睇 APM 塞滿人」
「香港人口嚴重超載，搞幾多野都係冇用」
「無第二條路軌爬頭，架吉車咪又係照樣係後面排隊站站停」
「換信號系統咪又係治標不治本，你唔源頭減人點都死」
「直乜達黃大仙啫，咪又係要站站停等下一班車，黃大仙唔塞人咪變咗其他站塞囉，治標唔治本」
「浪費咗上游段嘅載客容量」
「不如調景嶺油塘上客玩特快仲好，不過港豬到時實上錯車」
「加多咗都係無意思，繁忙時間已經係一架月台一架係籠（隧道），根本已經 full 咗」
