網民「旗木卡卡西」在 LIHKG 討論區發帖，題為「_你老母做廢青攞綜緩真係好_爽！！」（文字經過處理），囂爆分享領綜援（綜合社會保障援助）生活。他表示：
- 鐘意瞓幾耐就瞓幾耐 唔大洗又夠錢生活
- 朝朝 8 9 點起身就落樓下食個醒晨早餐 香噴噴滑蛋
- 食完個早餐去超市行下 睇下有咩買
- 買完野就返屋企打下機 煲下劇 睇下動畫
- 中午玩下煮飯仔又得 落去睇下啲港豬十分鐘放飯又得
- 食完晏又可以周圍行下消化下 之後返屋企再打多幾鋪機
- 夜晚又可以同屋企人食下飯 又可以同朋友食餐飯 自己毒係屋企食又得
朋友問：「你返緊咩呀？」廢青答：「我過緊你 65 歲後先過得嘅生活囉 」朋友：「咁正！」「旗木卡卡西」豪言：「廢青就是這麼爽」！
發帖不足一天，截稿前已贏得 1458（一世唔發）個正評，50 個負評；大量網民踴躍留言：「努力不一定成功 但不努力就一定很爽」。
有網民想知道綜援生活的支出詳情，「旗木卡卡西」再分享：「每日基本都係食個方面會洗錢 我當每一星期先補充一次屋企嘅物資 都係二百幾三百一次 電水石油費我一條友又唔會用好多 間唔時同屋企人 朋友聯宜下咪會洗多少少 點都唔會過 1000 早餐廿幾三十就有 係午 晚貴啲 有時懶 係屋企煮面 杯面咁樣又比少一餐」
事已至此，還有甚麼好說？網民留言，句句撻著：
- 臉皮夠厚真係幾爽
- 返工真係好蠢
- 攞綜緩，炒下散出現金糧工仲爽啦 係屋企唔悶咩，上年完左 DSE 個排都頂唔順出左去返工啦
- 放得底真係好爽 想買下貴野就得閒返下日薪工 窮風流，正
- 其實咁努力打工賺錢供樓 過既無非都係呢種生活 但而家樓主已經過緊 直頭係傑青
- 綜援太少唔夠洗 但如果 freelance/ 炒散 鍾意返就返 夠錢洗又有時間做自己野其實幾好 宜家儲緊錢打算過幾年做全職廢青
- 羨慕你唔睇其他人眼光
- 樓主過緊香港大部分人想過既生活
【精選消息】
【精選消息】
反對：仲有更加正既人生你未試過
並非所有網民一面倒支持。網民「Luke梳」留言：「完全同意咁樣做係好爽 如果你屋企人又唔等錢開飯，又唔會打算結婚組織家庭，咁樣真係無問題 其實依家好多人番工都係為其他人，父母啦結左婚自己家庭啦，自己一個人既話駛_做到狗咁咩（文字經過處理）」。
他又表示：「不過我都係唔會羨慕你，因為我想要家庭想有事業想環遊世界，份工又唔難做兼準時收工又好 pay 你比我好似你咁係屋企打機打一世，咪玩啦一個月已經悶到想死 少年，你以為咁做係好爽好舒服，其實仲有更加正既人生你未試過姐」
另有網民質疑「旗木卡卡西」如何能夠成功申領綜援、有冇俾家用、與家人同住因此冇住屋負擔；綜援生活冇能力外遊、冇能力結交女友等。
努力付出 = 做狗？
「社會垃圾真係無得頂 ，講到努力付出賺錢既人係做狗 殊不知自己就係政府養緊既傻豬豬，好_可悲，成條廢柴咁」
【精選消息】
Source：LIHKG 討論區