從前未有多功能家庭電器，又或者 smartphone 的時候，很多時一件家電或數碼產品只是專注一個功能，所以那些年電子產品的市場的確頗蓬勃，市面上的電子產品可謂五花百門。不過隨時代轉變，不少從前很流行的家電或或數碼產品，來到今日已經成為歷史，有網民就出 post 討論已被淘汰的家庭電器，其中曾經是潮物的錄音機、LD 機、MD 機，都有不少人提起，而當中更有網民提到：「錄影機壞咗，但啲錄影帶仲保留喺度」，不知道大家又有否類似經歷呢？
【精選消息】
【精選消息】
年紀稍為大一點的朋友看到這個 post，相信可以呼召小時候的集體回憶，因為不少網民提到的家庭電器或數碼產品，都是許多人家中有過的東西，如收音機、錄音機、LD 機、MD 機、DVD / VCD 機、CRT 電視、DVD 錄影機、大哥大手提電話、Fax 機等，數之不盡，甚至連那些年跟同學們增進友誼必備的家居固網電話，原來都默默地跟大家說再見。
當然在此 post 也有人提到回帶機、後投電視機等較為高階的產品，但說到有共鳴的，就萬萬不及上段所提的產品。說來看這個 post 的時候都有一個有趣的地方，就是有不少大家以為已被淘汰的電子產品，但其實在不少生活及工作範疇上都有繼續使用，例如黑膠唱機近年再度復興，而打字機、俗稱「針 print」的點陣式打印機、以及 call 機等，亦尚有一線生機，未正式被淘汰。甚至有網民誇張到留言表示：「2 月 9 日買字典機」！大家還記得 90 年代 hit 到爆的電子辭典嗎？當年未有字典 apps、Google Translate，又不想拿起厚重字典查生字的時候，一部纖薄輕巧的字典機，就是默默陪伴了不少學生渡過他們的校園歲月。
網民嚴選被淘汰的家庭電器 / 數碼產品
1. 錄影機
「對上一次用錄影機（扔咗好耐）已經係細細個開嚟播歷蘇、鄭伊健套男兒當入機」
「我記得細個睇錄影帶嗰陣，個畫面又矇又花，唔知係我老竇買老翻定係錄影帶係咁」
「細個出鴨寮街買鹹帶，返屋企一播，六點半新聞畫面……」
2. 家居固網電話
「得返商業仲用」
「同女神傾功課嘅歲月......」
「有啲朋友屋企已經直頭取消咗家用電話，因為依家個個都有手提電話，WhatsApp 又方便，但係總有幾個 no. 由細記到大一定會記得」
3. LD 機
「早期卡啦 OK 好似都係配 LD」
「LD 對比 VHS 無雪花、音靚少少，冇咁易刮花，Hit 的時間大約 88-97 年左右，但真係好 X 貴，90 年代已經一隻講緊幾百蚊甚至以上，多數都係去租。96-97 後平靚正 VCD 普及，LD 迅速 Stop la，碟舖幾十蚊當垃圾咁清」
「以前第一代啲卡拉 OK 酒廊係要人手換碟，之後有啲成座 data center rack cabinet 嘅自動換碟機，入面都係 play LDs」
4. MD 機
「音響嘅話而家仲有黑膠唱盤，其實一直無消失過，但就變咗高檔嘢，一般家庭少用，反而 MD 真係淘汰咗」
「MD 機生命真係短暫......記得一出嗰時香港賣成 $4000 至 $5000 一部，隔幾年之後 mp3 機就誕生」
「我幾鐘意 MD，短短幾年都買咗幾部，雖然到 iPod 一出就轉咗用」
5. DVD 錄影機
「最短命。當年一出，用 DVD R/W 錄電視，十分風光......點知兩年後硬碟錄電視......」
6. 錄音機
「以前潮物嚟。」
「以前小學考 listening 嗰陣就係用呢部嘢播老師自己錄嘅試題 cassette 帶嚟考試」
7. 字典機
「字典機在香港已被淘汰，但日本仲年年出新 model」
Source: hkgolden