正所謂勝敗乃兵家常事，考車牌肥佬不時都會聽聞。不過一位女士似乎完全不能接受考牌失敗，更被網友拍下情緒失控的情況。今日下午 4 時許，一名年約 30 多歲的女子，考完中型貨車路試後，返回駕駛學院，得知不及格後情緒激動，更衝出馬路截停其他正考牌的車輛，揚言：「我肥佬都唔畀你哋及格！」
【動漫電影】
【科技】
稍早前在 facebook「小心駕駛(討論別人駕駛態度)」群組，有網民貼出相片，表示：「這位女士在沙田考中貨，泊位肥佬落車即大聲小考官母親！之後返行政樓對開見第 2 部考牌車返就衝埋去車前攔住並大嗌：我肥佬都唔比你地合格！再之後再截停第 3 部車就 (舌累) 係地！再之後行出街去到源順圍截停第 4 架考牌車，最後由學院報警捉拿歸案！！！」
由於該名考牌不及格的事主曾揚言「要死」，警員接報到場，將案件列作企圖自殺案，並召救護車將女事主送往醫院檢查。此帖一出後，惹來網民大量回應，包括：「佢肥佬，對七百幾萬人嚟講係好事」、「求神拜佛佢永遠都考唔到」、「牌官肥得佢啱」、「佔領駕院正式啟動？」、「考牌應該包括人格」、「我睇住佢響源順圍截停第 4 架，警察一捉佢就扮暈」等。
Source：小心駕駛(討論別人駕駛態度)