近年嚟，智能家居成為新趨勢。原來只需要有智能拖板，就可以令屋企嘅傳統家電搖身一變「智能化」，簡單一部手機就可以控制電器！今次會同大家介紹同埋試玩 2 款智能拖板！事不宜遲，即刻開始啦！
拖板絕對係居家必備之選，市面上拖板牌子眾多，具備多種功能；今次一齊嚟睇下具備智能元素嘅拖板，到底值唔值得入手啦！
即刻【按此】，用 App 睇更多產品開箱影片
↓點擊圖片放大↓
【TP-Link Kasa 智慧型 Wi-Fi 拖板】
TP-Link Kasa 智慧型 Wi-Fi 拖板提供 3 個獨立插座及 2 個 USB 充電接口，可以同時支援 5 個設備。只要喺手機下載 Kasa Smart APP ，就可以使用遙距開關電源，內建定時開關及倒計時功能，更支援 Google Assistant 及 Amazon Alexa 2 大智能助理服務，輕鬆簡單控制各項設備！
【Meross 65W 智能快充拖板】
Meross 65W 智能快充拖板有 4 個插座、2 個 USB-C 端口和 1 個 USB-A 端口，非常適合家庭和辦公室使用。而且可以配合 Apple HomeKit、Amazon Alexa、Google Assistant 和 SmartThings 使用，為每個電器設置開/關時間表，以及自動關閉定時器例程以自動工作。舉個例，臨瞓唔想走出廳熄燈，又或者出門忘記關房燈，除咗風扇之外，就連燈同窗簾等傳統家電，只要喺手機 APP 撳一個制就 ok ，方便快捷！隨時隨地可以遙距控制各項家電，非常實用！
【單頭 SmartPlug】
除咗以上提及嘅產品，其實市面上仲有啲單頭 SmartPlug 都做到同樣效果。仲可以駁傳統拖板，一次過控制多部電器開關，不過就無得獨立控制，但勝在價錢更平！
【選購及使用貼士】
- 使用智能拖板，不建議用於大功率的電器，如雪櫃等
- 購買時，要注意拖板是否通過標準，確保產品安全
- 避免將拖板擺放在潮濕、多塵、陽光直射的地方，防止過熱或漏電
- 如拖板或插座出現破損，就要立即更換
【相關報道】
Source：ezone.hk