PlayStation Portal (PS Portal)行貨終於來了，目前已經在預售階段，並會在 9 月 4 日正式出貨。今次，ezone.hk 率先找來行貨版本真機，小編還約了霍哥挑機，一齊試試 PS Portal 的流暢度以及打機感受。
PlayStation Portal 本質上是一部遙控遊玩機，玩家可透過 Wi-Fi 存取 PS5 上的遊戲，隨時隨地以串流方式暢玩 PS5。PS Portal 採用像 PS5 般的白色機身設計，並配置一塊 8" 全高清觸控屏幕，最高可提供 1,080p 60fps 畫質，提供流暢的打機效果。
此機身上設有與 DualSense 手掣完全一樣的控制器，並可提供震動功能，玩家一上手就有最熟悉的手感，而且它重量只有 1,088g，配合符合人體工學設計的手柄，長時間握持都不會容量感到疲倦。在續航力方面，據 ezone.hk 測試，在高亮度的設定下，可大約暢玩 4 小時。
今次開箱嘗試連接時，PS Portal 提供相當方便的操作，只要連接 WiFi 後，再登入 PS 帳戶，就能看見 PS5，點擊連線等待一會，就可以見到 PS5 的主介面，隨後的操作與家中操作 PS5 完全一樣，相當簡單。至於打機流暢度方面，據 ezone.hk 實測，此機能提供幾乎零 Delay 的畫面及操作效果，而畫面的解像度會視乎網絡速度而自動調節，達至最佳流暢度的效果，就像大家搭車時收看 YouTube、Netflix 一樣，網絡慢的時候畫面會變得低清。據實測所得，當帶出街以流動網絡連線時，若在網絡能提供 30Mbps 以上連線速度，可以保持以最高畫質串流遊戲，而當網絡連線速度欠佳時，畫面會自動降低畫質，但仍能保持流暢度，以及極低延遲的感受，就算玩動作 Game 都不怕 Lag 機。
【熱門報道】
此機的機身上設有一個充電用的 USB-C 端子，以及一個 3.5mm 耳機端子，若果大家想用無線耳機，要注意它不能使用一般的藍牙耳機，而是要用 PS Link 專用耳機，較為可惜。
售價：$1,580
今次 ezone.hk 還找來網絡紅人霍哥，一起開箱測試行貨版 PS Portal，並與小編 Julia 來了一場 Battle，結果玩到霍哥想搶走 PS Portal！
Julia：霍哥，見你近期都好忙喎！
霍哥：又周圍去啦，又拍片，仲要拍戲。
Julia：呢排有咩新攪作？
霍哥：我呢排啲新攪作就多喇，拍緊一套《雨夜屠夫》關於林過雲嘅電影！
Julia：我見你平時 YouTube 都有直播打機，你係咪好鍾意打機架？
霍哥：都係㗎，打機、直播。同埋我而家拍返啲「霍哥廚房」嘅片
Julia：但打機直播呢排停咗，點解呢？
霍哥：就係因為我過咗嚟拍呢套戲，部機喺澳門，所以話要周圍去，攞住部機真係好難
Julia：所以我今日有好野益你！呢部就係遙控PS5都可以打機嘅PS Portal！我哋今日不如挑下機，好唔好？
霍哥：點樣遙控PS5？即係屋企部 PS5 開咗唔熄機？
Julia：係呀！出街就可以攞住部機搭車玩㗎喇
霍哥：Oh My God～
Julia：不如就下我女仔，比我揀遊戲好唔好呀？
霍哥：都好呀！
Julia：咁我哋就battle喇喎！
霍哥：嚟啦！
Julia：我先？
霍哥：你先，你先。
Julia：好！
Julia：哈哈，我就係嗰啲，搬嘢打爛嘢
霍哥：我覺得我自己贏咗喇！
Julia：快啲快啲快啲快啲快啲
霍哥：yeah OK！
Julia：咁就完成一關喇！
Julia：我哋要唔要試下一鋪，我撳呢個，你撳呢個！
霍哥：下？都得。
Julia：會唔會嗌交架？
霍哥：會架！
Julia：你要撳 X 先喎！
霍哥：唔係，你揸車過去呀嘛
霍哥：死喇，已經開始想鬧交
Julia：可以畀你試玩下 Spiderman 2 呀！
霍哥：即係而家佢係一直連住咗部 PS5 主機？
Julia：係呀，喺出面囉，好遠都得架！你落街都得呀，如果出街，本身PS5連咗一部 Wi-Fi，落街再用電話放 Data 數據比呢部 PS Portal，咁就可以玩喇，搭車又玩得，等人又玩得！所以對於如果屋企本身有 PS5 嘅玩家，呢部 PS Portal 真係好吸引
霍哥：即係如果我喺澳門，開咗主機，跟住我攞呢部嚟香港，咁我要打電話比我呀媽：「你千祈唔好熄呀下」！
霍哥：Spiderman～Spiderman～打你呀媽個 Spiderman～可以去打人喇 Spiderman～Spiderman～打你呀媽個 Spiderman～好鍾意鬧人呀媽架！嘩！嘩！蜘蛛契弟！我覺得如果我有 Spiderman 嗰啲能力，用嚟偷窺都唔錯喎
突然之間沖沖下涼，HI！Bye Bye！我 cosplay 架，同佢講：「我係嚟cosplay Spiderman 架！」
Julia：你係一日可以花幾多個鐘頭打機架？
霍哥：我上次直播打機打 Elden Ring 女武神，直踩咗 11 個鐘！
Julia：嘩，你唔洗食飯？一路食一路打？
霍哥：一路食一路講粗口，打到係咁死，打到咁上下，好似贏喇，整個連續兩下碎料斬落嚟，比你歎下先，但嗰陣時，我仲有食煙，我直頭掟爛咗個手掣！
Julia：下！咁誇張！不過 Elden Ring 真係令到好多人掟爛手掣！
霍哥：姐係 Sony 應該好多謝宮崎英高！
Julia：手掣銷量高咗好多呀！
Julia：呢部機係咪好吸引呀？
霍哥：係呀，好吸引！其實千幾蚊係抵架喎！
Julia：如果你屋企本身有 PS5 嘅話，呢部真係好抵買！售價仲平過市面啲掌機！
霍哥：千幾蚊，認真嘅，買咗之後，唔係千幾蚊嘅問題，大量配貨呀，Sell到架，我驚排唔到呀！
【熱門報道】
Source : ezone.hk