巴西近期打擊夾公仔機騙局，據外媒報道，當地警方發現有不法分子利用程式操控爪子力度，令機台必須達到特定次數後才能夾到公仔。不少港人對此身同感受，力數香港夾公仔機4宗罪，批評被機主狂「動手腳」，有重大欺騙成份。
即刻【按此】，用 App 睇更多產品開箱影片
巴西夾公仔機用程式操控爪子力度
外媒報道，巴西里約熱內盧警方打擊夾公仔機騙局，上月搜查商場和地鐵站等地，檢走多部夾公仔機，並發現倉庫有大量夾公仔機及盜版公仔。警方正調查背後是否牽涉更大犯罪集團，或洗錢等金融犯罪活動。此外，警方發現，不法份子透過電流程式，操控夾公仔機的爪子力度強弱，令機台必須達到設定的次數，爪子才能「強」到穩夾公仔獲獎，猶如老虎機，因此在當地違法。
港人力香港夾公仔機4宗罪 形容如「公仔KK園」
大批香港網民對巴西打擊夾公仔機「騙局」頗為關注，認為「香港嗰啲（夾公仔機）早就應該查啦」、「點解呢樣嘢喺香港唔係犯法」？批評香港猶如「公仔KK園區」，力數香港夾公仔機4宗罪！
1. 操控爪子力度
2. 用鐵欄阻擋出口
3. 用間尺阻擋出口
香港的夾公仔機不時都被指「出術」，以致相當難夾，引人詬病。除了設置機爪的鬆緊度，最近有市民更「大開眼界」，見到有夾公仔機使用間尺、膠條等大封出貨位，公仔要跌下來就難上加難，有網民直言「根本搵笨」。
從相中可見，該部夾公仔的出貨位，被台主用一把鐵間尺及膠條，以「交叉」方式設置在公仔出口的中央位，而機內擺放了體型不小的公仔，部分體積更大於出口，樓主不禁嘲笑道：「真係扑爛部機都跌唔落去喎。」
4. 一定次數都夾唔到
對此，有香港人發揮「挑戰」精神，不斷去鑽研兼挑戰設置不少「障礙」的夾公仔機，但未必單靠技術就一定成功，引起不少網民不滿。近年網上亦陸續出現「夾公仔成癮！互助退坑脫坑群組！中伏通知！」、「香港三爪夾公仔綜合交流區」等群組，聚集網民交流夾公仔心得。有網民無奈表示，「巴西嗰啲都仲好過香港」、「機率機入侵之後都無咩係街夾過公仔，懷念以前嘅鋪頭仲會放啲無咁呃錢嘅機」。
▼網民咁樣睇▼
不過，有網民就分享獨特見解，認為夾公仔正正如投資一樣，需要評估風險，「夾公仔之前，有冇細心研究過部公仔機個爪，同埋洞口啲貨點樣出」？同時又將現時與以往台式夾公仔機作出比，指「太多參差嘅（機）台，真係要學下去分別」。
資料及圖片來源：連登討論區、Facebook@Chiikawa HK Fans Club ちいかわ 吉伊卡哇香港粉絲團～Nagano 兔兔小八小可愛關注組、Facebook@夾公仔成癮！互助退坑脫坑群組！中伏通知！
【熱門報道】
Source：UHK