近日，有網民於社交平台上傳影片，表示在港島區內一個垃圾站目擊3名外傭正在摷垃圾並且形容她們正在「執啲過期食物」，驚呼「唔係咁X樣買餸呀嘛！」，警戒各僱主多要留意。影片引來大批網民討論，鬧爆外傭行為直呼噁心「好恐怖」，又教僱主1招預防，即睇下文了解事件詳情。
港島3外傭狂摷垃圾站兼帶走過期肉
近日，有網民於Facebook 群組「聘請工人姐姐關注組」發文並上傳影片，指在香港島的某個垃圾站看到3名外傭正在「執啲過期食物」，建議各僱主「留意吓，吾知係咪拎返屋企煮俾主人食」。
▼ 帖子 ▼
↓點擊圖片放大↓
影片約30秒，在垃圾站內，3位外傭正圍著一個大型垃圾箱，其中有2人戴手套，而最賣力摷垃圾的外傭則沒有戴手套，2人一前一後摷垃圾。她們在垃圾箱內找到一包包，疑似過期「急凍肉」，沒戴手套的外傭將過期肉給予粉色手套女子檢查後2人才放入袋中。片中可見，她們最少找到10包過期肉，片主亦不禁驚呼「唔係咁X樣買餸呀嘛！大佬！喺垃圾桶到摷嘢食喎，啲肉呀你睇吓，呢啲唔係商場丟出嚟㗎咩，定係咩？唔Ｘ係呀？」。
▼ 影片截圖 ▼
網民鬧爆直呼噁心 教僱主1招預防
影片引來網民熱議，大批網民震驚表示「痴線架」、「好恐怖」、「咁顛（癲）」、「真係5（唔）敢再請工人」和「最驚個僱主係老人家，咁就慘喇」。網民懷疑外傭不是初犯，更似是有備而來，指出各人「戴哂手套早有預備，相信吾糸（唔係）第一次」，亦有網民解釋表示「拎咁多可能只係星期日放假帶出去同啲姐姐分享」和「可以留意下佢哋國家係有二手飯賣，文化差異嚟啫」。同時網民亦教僱主要求外傭提供收據來預防「所以必須交收據証明買返黎！」、「我只會比現金姐姐買嘢，而且所有買嘅嘢要有單據」。
圖片及資料來源︰Facebook@聘請工人姐姐關注組
即刻【按此】，用 App 睇更多產品開箱影片
【熱門報道】
Source：hk.ulifestyle.com.hk