有的士司機分享在尖沙咀一帶接載「富婆」的奇遇，當時情況緊急，因為後方有警員正在執法捉違例停泊，而這邊的富婆和外傭卻悠然自得地上車。儘管司機再三催促，她們仍然我行我素，毫不在意，甚至在上車前還要讓外傭「擺陣」。隨後行駛過程中又發生了一段小插曲，令司機哭笑不得，無奈地回應對方「（你）富婆嚟喎！我哋窮吖嘛。」
即刻【按此】，用 App 睇更多產品開箱影片
的士司機分享載「富婆」奇遇 上車前要鋪垃圾袋
日前，有的士司機在Facebook群組「的士司機資訊網 Taxi」分享自己的載客奇遇，的哥發文指在尖沙咀五星級酒店一帶落客，現場有不少的士「塞死晒」，警察到場趕車疏導交通，捉違例停泊。的哥在帖文指其他的士「又唔車個阿婆」，未知當中的阿婆是否指自己片中接載的乘客。的哥大呻「呢啲貴客真係唔該你下次搭Uber。就算俾你打，我都唔想俾差佬抄牌。」
片段全長41秒，片段開頭見車門打開，有2人站在車外，外面傳來廣播聲及汽車喇叭聲，的士司機催促「快少少，快少少，快少少。」不過2人聞言未有馬上上車，反而見外傭開始「擺陣。」
的士司機的帖文繼續分享乘容難頂行為，「又話部車有味俾支香水佢又話我cheap，又話自己用開幾萬蚊 真係好人難做。」翻查下一段影片發現，婦人指車內有煙味，聞言司機亦好好態度想方法解決，司機向對方遞出一支香水，未料對方面露不屑且嫌棄「咁cheap我唔會用」，令人譁然。
網民好奇：點解冇私人司機
帖文引來網民熱議，有網民認為該婦人麻煩，「又要鋪個袋，驚死污糟咁，真係唔好出街」、「呢 d扮野客」、「咁有錢有司人司機，洗搭的士咩」、「建議佢著潛水衣再笠個魚缸喺頭先出街。」有留言建議他們應該請私人司機，方便又衛生。不過，有部分網民則認為乘客未必是嫌車廂不衛生，或者是有苦衷，「我覺得佢係驚失禁，所以要鋪住嘢」、「認真，係有啲人自己知自己事，所以舖膠袋，佢有公德心」、「鋪袋都係個客自備，你唔俾人哋係唔想自己條褲甩色，整污糟你張櫈？」
原文：港生活
來源：Facebook