繼早前有網民目擊連鎖麵包店店員用「地拖」抹麵包架。近日，上水一間車仔麵小食檔亦出現地拖事件2.0，店員用一把灰黑色「地拖」抹疑似放車仔麵餸菜的食物櫃，不少網民感到惡心，更有網民懷疑今次涉事店員同上一次同一個人「真係好似樣手勢一樣」，亦有網民對店員行為表示不解，「其實用塊布真係咁難咩」，即睇事件詳情！
食物衛生｜上水現地拖2.0
繼慈雲山連鎖麵包店用地拖抹麵包架後，近日一張照片又在網路上瘋傳，一名店員正使用「地拖」抹疑似放車仔麵餸菜的食物玻璃櫃，引發網友批評。照片所見，地拖外表已經是灰灰黑黑的情況，有機會已經使用了一段時間，有網民看完照片表示「唔開胃」、「極可能拖廁所都係同一支」。涉事店舖是一間位於上水的小食店，名叫「包餃店」，位於彩園邨彩珠樓地下118號舖。店舖主要售賣魚蛋、燒賣、雲吞、炸鹽酥雞等小食，亦有自選餸菜車仔麵等。記者翻查資料，曾有食客表示食完返去肚痾作嘔，「食咗個酸酸餿餿嘅燒賣腸粉，老闆娘聞都唔聞就堅持話啲野冇問題，咁我唯有唔食照俾錢。食完返去肚痾作嘔，以後唔會再去」。
網民：有人重施故技？
帖文引來大量網民街坊留言，不少網民質疑店舖衛生情況「拖完廁所地下再拎去拖食物櫃」、「個地拖頭咁黑嘅」，亦有網民質疑今次涉事員工是否同一個人「同一個阿姐？」、「真係好似樣手勢一樣」、「同上次麵包店個阿姐好似」。
另外，有網民對店員的行為表示不解，「其實用塊布真係咁難咩」、「用甘污糟嘅地拖唔抹好過抹」及表示報食環「建議食環署下令封舖一星期及罰款3萬再犯收回牌照」。
資料及圖片來源：深圳大陸吃喝玩樂交流
即刻【按此】，用 App 睇更多產品開箱影片
【熱門報道】
Source：ufood.com.hk
同場加映：連鎖麵包店職員「地拖」拖麵包架 網民：上次食完唔使一個鐘就屙到九彩 附最新發展+地點曝光!
早前一張照片在網路上瘋傳，照片中顯示一名店員使用「地拖」抹麵包架，引發了許多網友的批評和討論，即按下圖了解涉事店舖及詳情。
網民：唔敢再去買嚟食
不少網民感到惡心及在各大不同群組轉發消息，更有街坊指出曾光顧此店後出現肚痾情況「唔怪得上次食完佢啲蛋撻唔使一個鐘就 屙到九彩」，更有網民表示不再買此店「唔敢再去買嚟食，太恐怖」、「我為佢嘅行為發誓永遠都唔會買佢麵包」，另有網民表示報食環「請報食環， 1823 app, 連相send過去」、「哇，call食環署,check佢大腸桿菌」。
資料及圖片來源：慈雲山資訊交流