近日，政府工薪酬與福利成為全港熱話，網上有港人發文透露，某公務員職系的 薪金高、福利優厚，且可 準時下班無需加班，更有 0.2% 的極低辭職率，被認為是公務員界的 筍工之首！這一職位的吸引力使其成為不少人追求的理想工作。
公務員界「筍工」曝光！高薪福利好，零OT又準時下班，辭職率僅0.2%
公務員1職位成筍工！起薪點有42K？
最近討論區上，有港人就政府工程師薪酬以及其編制人數作出討論，直指政府工程師薪酬不但與私人市場完全脱節，而且職級編制不透明，其中一則帖文更以「公務員邊個post係筍工其實一睇就知」為標題，文中同樣引用了「香港公務員資訊網」數據，直指政府工程師人數比起警察還要多，但人工言，辭職比例較低，可想而知政府工程師絕對是公務員界的筍工之一。
根據「香港公務員資訊網」資料顯示，現時政府工程師實際人數有1952名，職級編制共分為6級，分別是助理工程師、工程師、高級工程師、總工程師、政府工程師、首席政府工程師，起薪點為$42,640，其中「高級工程師」頂薪高達14萬，而且辭職比例只有0.256%（按年計算，2022-23年度整體公務員平均為2.2%）。
▼按圖睇政府工程師職級編制▼
同時，樓主亦引用了運輸主任的數據，運輸主任出名工作辛苦壓力大，「真係幾辛苦，聽人講長期OT，唔知係咪真」，雖然職系實際人數只有279人，但辭職比例卻有4.486%（按年計算，2022-23年度整體公務員平均為2.2%），難怪樓主也直言「覺得政府可以睇下辭職比率檢視吓唔同部門究竟有幾多筍位）」。
政府工程師完勝醫生成神科？
帖文引起熱議，惟網友反應兩極，不少人贊同樓主說法，大讚政府工程師人工高，可以準時下班之餘工作量不算大，「正式宣布，政府工程師X打醫生成為神科」、「跳point仲有人工加真係痴X線」、「大把5點收左工，6點都返左屋企啦」、「做緊呢行嘅巴打都知事實係咁」。
▼網民點睇▼
網友嘆：工作量不平衡
但也有網友則指出「咁易入咩」、「私人市場嘅工程師唔講人工講福利一定好過政府」、「睇人數比例都知工作量不平衡」，甚至有網友以銀行作為例子，直言「同銀行比，公務員啲福利得啖笑，虧你仲好意思拎出嚟講」。
▼網民留言▼