騙徒手法層出不窮！有大埔街坊分享，在便利店增值時疑似遇上「搶拍卡黨」，差點被對方搶走自己付款的增值額。事主表示，由於要返工，未有與對方糾纏，但擔心「搶拍卡黨」會以同樣手法欺負學生，亦有網民教路避免中招！
港人大埔驚遇「搶拍卡黨」 企圖奪走八達通增值額
有網民於Facebook群組「大埔 TAI PO」發文，指自己在便利店增值八達通時，被一名老伯「爭拍卡」，疑似想混水摸魚搶先一步偷去事主的增值額。
街坊曾遇同類事件 對方回覆匆忙拍卡因呢個原因
有遇過同類事件的網民留言，指自己當時「擋開亞伯隻手，大聲問佢做乜」，對方則辯稱拍卡檢查餘額後離去。有人指試過付款後，有其他人伸出自己的八達通圖拍卡，「之後每次比錢都會同步放埋張卡去部機度」，對方聲稱自己趕時間搭車，「隻手拎住幾張1百」估計只是想插隊增值。不過有網民認為，對方或許手持假鈔，事成後若有人追討，便將手上的假銀紙交予對方。有人更批評「拍唔拍到 都算係搶劫吧？試下衝入銀行搶人地㩒緊嘅錢，唔通搶唔到 就唔算犯法？」
網民教路2招避免中招
事主擔憂「搶拍卡黨」會恃勢欺負小朋友，「如果係學生仔, 多數唔敢出聲...」有網民教路，為避免被不法之徒有機可乘，除了使用八達通App增值，及提高警覺，提防可疑人物靠近，亦可以在付款後馬上在卡按在增值機上、或者先放好卡再付款。有網民則好奇「如果嗰個人成功拍卡增值仲要閃埋，咁嗰500蚊邊個負責，按道理冇可能係顧客，但亦唔會係店員（唔報警另計）。」
即刻【按此】，用 App 睇更多產品開箱影片
【熱門報道】
Source：hk.ulifestyle.com.hk