Chiikawa尖沙咀海港城限定店自4月9日開售以來，引發全城粉絲排隊熱潮。現場一度湧現逾千人排隊，不少人甚至通宵坐在海旁，只為搶購心儀精品。排隊熱潮持續至今日（4月10日），更出現有趣一幕：有粉絲目擊多位老人家加入隊伍，其中一位婆婆被工作人員問到「排隊買咩公仔」，對方答覆卻惹來全場爆笑，驚揭「Labubu黨」都來踩場？
即刻按此，用 App 睇更多產品開箱影片
Chiikawa熱爆全城老人家都排隊買 1條問題揭係Labubu黨？
Chiikawa（吉伊卡哇）香港限定店早前（4月9日）開始首輪開賣，有網民表示早在前一晚（4月8日）已見有約百名粉絲在外排隊等派籌，大批粉絲沿著尖沙咀碼頭排隊，通宵排隊只為了搶得籌號，購買自己心儀的公仔。
▼尖沙咀排隊盛況▼
婆婆Chiikawa限定店排隊稱來買Labubu
今日（4月10日）有網民更分享，在尖沙咀排Chiikawa時見到的有趣一幕，笑指當時隊伍中有些老人家婆婆，工作人員就問婆婆：「 你排隊買咩公仔？」豈料婆婆竟回答指：「La bu bu（拉布布）。」惹得全場大笑，實在令人大感無奈！
↓點擊圖片放大↓
網民爆笑：反正都係兔不用分那麼細
帖文引來不少網民爆笑，直言「婆：反正都係兔，不用分那麼細」、「係就帶佢上返去POP MART」、「佢識得Labubu ，都有啲料到喎」，有人更戲稱「買比孫仔」、「應該要考個試先可以排隊」。
↓點擊圖片放大↓
另外有同樣身處現場的網民現身解畫指：「佢地問職員點解唔派飛比佢地，職員就話知唔知依加排緊咩先，佢地答唔出買咩，淨係話買公仔，仲比埋電話個group職員睇圖要買邊款，後面有人先玩野話我地排緊買Labubu」。有人就認為官方日後或可以改變「玩法」如：說出兔哥、小八或其他角色的日文名稱，或者說出部分劇情細節，以防「排隊黨」炒賣。
↓點擊圖片放大↓
【更多詳情】
資料及圖片來源：Facebook@Chiikawa HK Fans Club ちいかわ 吉伊卡哇香港粉絲團