《謝霆鋒進化演唱會》24日晚上於啟德主場館盛大開唱！但今日乘搭地鐵去啟德園更有驚喜。地鐵月台有機會突然聽到霆鋒把聲。有歌迷更開心到在月台上失控大叫；有人為此，再坐多一轉，希望錄得霆鋒聲音，地鐵頓時變成歌迷派對。
謝霆鋒秘密預錄廣播
港鐵月台竟突然傳來「鋒聲」？！原來早前港鐵吉祥物「鐵仔」在官方IG公開召喚霆鋒，「邀請霆鋒喺啟德站同大家say個hi？」全城歌迷留言轟炸式助攻激烈敲碗，有fans更乘機深情表白，「由細到宜（而）家都一直好鍾意你」，亦有歌迷點唱，「好想你唱《如果只得一星期》」，又有歌迷搞笑問到：「霆鋒係咪會睇到㗎⋯⋯」最終，一眾fans的誠意成功打動霆鋒，秘密預錄了站內廣播。
謝霆鋒化身人肉導航
由今（24日）至27日，宋皇臺站與啟德站將隨機觸發彩蛋式廣播，霆鋒親聲導航：「記住係D出口 順住人群唔好《逆行》 咁就唔會遲到啦！」就連散場時段都暗藏驚喜：「大家唔使急 下班車好快到 快啲返去休息喇！」化身「人肉導航」。
即刻【按此】，用 App 睇更多產品開箱影片
視訊播放器 正在載入。
【熱門報道】
Source：hk.ulifestyle.com.hk
謝霆鋒預錄了在宋皇臺站與啟德站播放的廣播，內容包括乘車指引及散場提醒。
謝霆鋒的港鐵廣播將由7月24日至27日播放。