科技愈來愈進步，原來連睇戲都可以「全自助」？近日有網民發現港島某商場出現「無人戲院」，由買飛、驗票到入場，全部無職員幫手，全靠自己搞掂。戲飛平到$20，但場內無爆谷無汽水，純睇戲體驗！你又點睇？係方便定唔夠feel？
即刻按此，用 App 睇更多產品開箱影片
港島區自助無人戲院
最近，有網民於社交平台分享，在筲箕灣的銀河廣場原來有一間「無人戲院」，而且分享「以為淨係得便利店先有『無人』概念，估唔到而家都有 『自助無人戲院』」，在影片所見無論櫃檯還是小食區都沒有職員在場，由購票、檢查戲飛及入場都是自助完成，場內亦不設汽水或爆谷。
戲飛最平$20起 網民憂自律性問題
而戲飛方面，可能是「無人戲院」關係，價錢相對較便宜，成人票價全日$40，小童及長者則由$20至$30不等，經網站購票免手續費，$1亦可以入會享受其他折扣。貼文一出引來大批網民討論，不少網民認為無人店講求自律性，有機會出現不付款直接進場情況，另外亦有人是結業先兆。
↓點擊圖片放大↓
屬嘉禾院線旗下 近年不斷傳出結業消息
記者翻查後發現「無人戲院」屬嘉禾院線旗下「嘉禾銀河廣場」，位於筲箕灣銀河廣場2樓，一共設有2個院廳，每個院廳提供80多個座位。近年嘉禾院線大規模結業，先後結束粉嶺、啟德、黃埔、南昌V Walk等戲院，而銀河廣場影院曾在今年1月初停業，一度惹來結業疑雲。現時，「嘉禾銀河廣場」每日約播映約10個場次的電影。
嘉禾銀河廣場
地址：香港筲箕灣望隆街2號銀河廣場2樓