各位英超球迷注意！2024/2025 英超煞科大戰話咁快就到，Now TV 相當識做，5 月 25 日（星期日）將會在荃灣 D·PARK 愉景新城搞個「Now TV 5.25 睇波狂熱派對」，到時十場終極對決會同步直播，仲有機會贏走下季英超門票，親身飛去英國感受熾熱氣氛！
想去英國睇波不是夢！Now TV 今次大手筆送出五套共十張下季英超門票，只要你係合資格參加者，就有機會親身飛到英格蘭睇心水球隊獻技！ 雖然機票同住宿要自費，但有得入場睇波都咪話唔興奮！派對當日下午五點就開始，D·PARK 會變身成為英超嘉年華，免費開放足球主題攤位遊戲俾大家玩餐飽，現場仲有英超珍藏展覽區，展示珍貴球衣同經典紀念品，波迷們記得預留時間去朝聖啦！
直播派對 數百波迷齊嗌
夜晚十點，重頭戲就嚟啦！D·PARK L1 中庭會同步直播十場英超聯賽，只限持票人士入場，可以同數百位同道中人一齊睇波，見證列強爭奪歐聯席位，仲有利物浦喺晏菲路捧盃嘅歷史時刻！ 到時強尼同 Kylie C 仲會同大家大玩有獎遊戲，隨時贏到下季英超入場券、凝皓教育挑戰盃—中國香港對曼聯門票同其他精美禮品添！
點樣攞飛入場
想參加呢個狂熱派對？由5月15號起，Now Sports 已經推出多項遊戲活動，等大家贏取派對入場券。Now TV 客戶仲有專屬活動可以參加，記得密切留意 Now Sports Facebook 同 Instagram 專頁嘅最新公佈啦！
活動詳情傳送門
- 日期：2025年5月25日（星期日）
- 時間：下午五時：遊戲攤位及英超球迷珍藏展覽區 / 晚上十時：同步直播十場英超聯賽（只限持票人士）
- 地點：荃灣 D·PARK 愉景新城 L1 中庭
Source : ezone.hk
【熱門報道】
即刻按此，用 App 睇更多產品開箱影片