的士司機坐地起價問題不時在遊客區發生。不過，早前在社交平台Threads上，有一位同樣從事的士司機的網民分享，在中環打算搭的士去太子，竟遇上劏客司機，向他開價250元車資，該「行家」果斷與司機據理力爭！即刻睇睇事件最終結果！
的士司機劏客遇行家 中環去旺角收250？
據事主的Threads帖文稱，當晚在中環與友人飲酒後打算乘坐的士。由於友人醉酒，該司機一看到便稱「收$250」。事主一度以為是清潔費，心想「嘔咗先算」，便與朋友上車，並告知目的地是太子。未料，司機竟再次強調「去太子係收$250」。事主當下意識到司機意圖濫收車資，但未有即時揭發。
一到的士開出數十米後，司機突然要求他們預支250元車資。事主馬上即時反駁，「畀咩$250？我跟錶畀錢！」。司機堅持指，「去太子係收$250，啱啱講咗」。面對司機的無理要求，事主態度堅定：「我淨係會跟錶畀錢。你一係就依家起錶，一係就去差館，洗唔洗幫你起錶？」
事主表示，本身有駕駛的士經驗，對的士運作瞭如指掌。面對事主的強硬態度，該司機顯得不知所措，最終死死氣地按下起錶掣，並咕噥一句：「你話點就點啦，你哋人多勢眾。」事主坦言當時身體疲憊，亦懶得再出聲指責。事主又直言，現時不良的士司機濫收車資問題嚴重，就連本地客都膽敢「劏」。事主提醒市民，若遇到這種情況，切勿害怕或下車，只要態度堅決，就能令司機按錶收費。
網民留言熱議：快啲投訴佢啦
事件在各大討論區和社交平台引起熱議。有網民直言，「快啲投訴佢啦，依家有扣分制」，又有網民大讚事主「做得好」、「啲的士佬真係好大貪，離晒譜」。點擊下圖睇更多網民留言啦！
即刻【按此】，用 App 睇更多產品開箱影片
【熱門報道】
Source：Threads@chihin.l
【相關話題】失業近一年重返職場
近日，一名失業近一年的打工仔在社交平台發文，表示終於成功找到新工作。雖然新職位的薪酬較上一份工作低，但他因為三個原因仍感到非常感恩，並計劃「出糧後捐少少錢做善事」。帖文隨即引來大量網民回應，不少同路人分享自己即使薪金和假期較少也願意繼續工作的經歷。想知更多詳情，立即閱讀下文！
Source：ezone.hk