時昌迷你倉老闆時景恒近日在個人社交平台分享了一次「最誇張」的經歷。他表示，在清理倉庫時竟發現有租客遺下兩個骨灰盅，而該租客已經拖欠租金三個月。由於不敢擅自處理，他選擇等待，九個月過去仍無人認領。最終，他以妥善方式處理此事，獲得不少網民稱讚「好心有好報」，但同時也有網民擔心會引起法律糾紛。想知詳情，請繼續閱讀下文！
即刻按此，用 App 睇更多產品開箱影片
時昌迷你倉現兩骨灰龕
近日，時昌迷你倉老闆時景恒（Kevin Shee）在Threads上以發文，分享自己「做迷你倉咁耐，最誇張一次」的經歷，在清倉時竟然發現「兩個骨灰盅」。
雖然租客已拖租3個月，老闆表示「理論上可以即刻清」，「但見到骨灰，我哋唔敢亂郁，反而花9個月時間聯絡政府、搵租客、登報等」，期間「完全唔收租」，希望有人來認領。
可惜最後該租客也沒有回來，加上「政府幫唔到」，最後選擇「出錢幫佢哋海葬，連儀式都做齊，成件事用咗接近一萬蚊。」，更在文未指「放啲先人入迷你倉仲要唔交租」。
網民擔心引糾紛：人哋冇打算海葬點算？
有網民質問「你咁亂將人海葬，貌似又講唔通喔，人哋冇打算海葬點算？可以反咬你喔。」又指「倉庫方無權擅自處理他人骨灰，極易引發嚴重糾紛甚至訴訟」，時景恒回覆指「合同上只要冇交租，所有物件係destroy ，佢簽咗名，即係同意咗。」。
網民大讚：好心有好報！
網民大讚店方做法充滿人情味，指「當做功德，好人有好報」、「良心商人，好多謝你嘅善良」、「好心有好報，雖然真係唔應該擺呢種地方」、「多謝你一切善意，祝你都遇到同樣的好人好事」，
另有網民猜測骨灰盅無人認領可能因為「會唔會放嗰個人都已經唔喺世上了」、「我諗過租客唔係有心遺留先人，隨時可能個租客自己都出咗事」、「可能後人走埋」和「可能放係度嗰位都過身，所以無處理到」。
▼原帖文▼
來源︰HKET圖片庫, Threads@kevinshee
原文：時昌迷你倉現兩骨灰龕！租客欠租3個月兼失聯？老闆最後咁處理惹熱議... @UHK
同場加映：【著數慳家王】最新影片