IKEA竟變外賣餐廳？近日有市民在尖沙咀K11的IKEA分店，目睹一對年輕情侶直接把陳列區的展示桌椅當作「私人用餐區」，毫不避諱地享用自帶的外賣餐點。這一幕隨即在網上引起熱議，不少網民批評行為極不恰當，直指二人缺乏基本公德心和禮儀。
即刻按此，用 App 睇更多產品開箱影片
男女IKEA坐陳列傢俬「開餐」食外賣當餐廳 目擊者怒轟好離譜
從樓主分享的照片可見，一男一女正坐在陳列室內展示用的用餐桌椅位置，檯上擺放著外賣買來的蛋撻及手搖飲品，另外亦有一把使用過的縮骨傘。目擊者拍下現場情況，怒斥在尖沙咀K11的IKEA「見到咁嘅畫面， 心諗咩IKEA有餐廳喺K11咩， 點知睇清楚原來佢哋將自己買咗嘅外賣，拎入去IKEA用嚟Display（陳列展示）嘅傢俬直接開餐，咁後生睇衣著，又唔係窮到去餐廳食都無錢， 點解可以咁核突坐喺度大模廝樣喺度食嘢」，形容有關行為「真係好離譜囉」！
市民分享類似情況：當展示廳係Party Room
事件隨即引發網民熱議，不少人分享曾經見過類似經歷：「可以去新都會Muji欣賞下，Display嘅床同梳化係坐滿晒人，仲有人瞓」、「有人霸梳化霸床訓，廁所都試過有人屙落去，其實無奇不有」；亦有網民直指部分人「當展示廳係Party Room」，但今次直接在陳列廳內旁若無人地用餐，比僅於室內休息誇張，認為涉及乾淨與衞生等問題。更有人嘲諷：「你唔講，我以為餐廳」、「試吓張檯食飯啱唔啱心水先買」。不過亦有留言認為，職員應加強管理「可以趕佢哋走」，而非縱容此類行為。
網民爭議：店舖縱容 VS 缺乏基本教養
對於這類行為，網民意見兩極。一方狠批涉事者「自私到極」：「人品教養嘅問題」、 「自私行為，影衰曬」。另一方都有人歸咎於店舖管理鬆懈，「因為宜家香港服務業太就啲客，只要喺客人，無論做乜都係大嗮」，但有人就反駁「呢啲係唔係自律行先呢？咁大個人邊度係食嘢既地方唔係唔知呀， 要人出聲話你果個都尷尬啦」、「我覺得佢哋係都係有樣學樣，佢可能見到人哋休息緊又喺度食緊嘢」。
資料及圖片來源：Facebook@青衣街坊吹水會