九巴官方應用程式「1993」向來被用家批評開App即彈廣告，load得慢，使用體驗差。日前，在社交平台Threads上，有網民發帖文聲稱，該應用程式疑似迎來「升級」，不但零廣告，開啟速度比以往快不少，引起網民熱議，實際情況又係點？又有冇其他應用程式比佢更好用？即睇內文啦！
九巴App疑「升級」無廣告 實際情況是...
據相關帖文稱，九巴官方應用程式「1993」自從被「世界認真組織」討論後，近日似乎面目一新，網民更形容現在「神速秒入app，又轉咗搜尋頁風格，仲無埋開app廣告」，懷疑「係咪成條IT Team拔起換人」。不過，很快就有自稱前九巴員工留言稱，「九巴比錢人地做架 app同到站系統搵同一間細公司搞 （前員工路過）」，就打破了樓主的想法。隨後，多位網民也實測過應用程式的現況，仍不時有廣告出現。ezone記者也分別在晚上及日間開App實測，發現開App的確相對變快，但是在各個版面之間轉跳時，也如常會有廣告出現。
用App睇巴士時間有冇更好用？
對於上班返學的朋友來說，留意巴士時間表相當重要。ezone早前亦介紹過一款「就是這裏」的手機應用程式，可以即時在桌面瀏覽多條巴士線的時間表。另外，應用程式亦有即時動態（Live Activity）功能，用家可以免費將1架巴士路線時間加到主畫面及動態島。大家可以掃落下文，點擊連結睇更多。
此外，如果大家需要乘搭城巴，也可以選擇下載「城巴易」手機應用程式。這款應用程式不但零廣告，而且使用方法簡單，輸入需要乘搭的路線，即可查看相關站點及預計到站時間。
即刻【按此】，用 App 睇更多產品開箱影片
【熱門報道】
Source：threads@justaguywithopinion、ezone.hk
【相關話題】iPhone主頁直接睇巴士到站時間
大家返工返學出街很多時都會乘搭巴士，留意到站時間也相當重要。近日，iPhone應用程式「就是這裏」推出全新功能，用家可以小工具方式，直接在主頁查看多條巴士線的到站時間，相當方便。即刻睇睇點做啦！
Source：ezone.hk