早前香港漫畫家咳神（Cuson Lo）宣布離婚，並表示「今後將不會再有《我的港女老婆》漫畫連載及書籍出版」，但未決定「我的港女老婆」這個 Facebook 專頁會刪除還是改名保留。如今終於有答案，稍早前咳神表示不會將該專頁刪除，也不會再更新運作，但會開一個名為「怪叔叔の散步道」的新專頁，希望粉絲繼續支持。
【網絡熱話】
【企業方案】
咳神在「我的港女老婆」專頁發文表示：「諗咗個多星期，我決定唔刪除呢個專頁，畢竟呢度紀錄咗我呢幾年大部份嘅漫畫創作，就當畀大家有個回憶同見証我漫畫歷程嘅一個地方，我亦唔會將佢改名再運作，專頁當然也不會再更新了。我睇晒大家畀我嘅留言，好感激大家對我嘅支持同不離不棄，儘管 FB 散播效果已大不如前，儘管讚好數字不復從前，我仍然希望由零開始從新出發，咁做係對自己及對愛錫我嘅人有個交待，如果大家仲鍾意睇我嘅漫畫，希望可以 like 我新開嘅專頁--> 怪叔叔の散步道 。」
雖然要重新起步，但《怪叔叔の散步道》推出短短兩小時，已有近 1 萬個讚好和追蹤，而且專頁暫時只有封面相片和個人資料相片，相信日後有可能再創佳績。粉絲方面亦紛紛留言表示支持：「 秒 like 新 page」、「其實除咗畫你前妻，我好鍾意你嘅政治立場同埋諷刺時弊嘅畫，希望可以畫多啲，俾我哋苦中作樂一下」、「期待新作品」、「你之後嘅作品我都會買落去，當然一定要同我簽番個名。加油。」等。
