智能手錶已成都市人必備品之一，功能多樣的智能手錶可以提供很多便利，但是不少人的使用方式和保養方式存在問題。文章揭示常見佩戴謬誤，例如過鬆或過緊，如何導致光學感應器心率讀數失準，造成「假安心」甚至延誤病情。立即學習正確佩戴位置與鬆緊度，確保您的健康數據精準無誤。
即刻【按此】，用 App 睇更多產品開箱影片
Smartwatch（智能手錶）已經成為都市人日常必備「拍檔」，由計步、通知到監測心率，功能多多，不少人更選擇24小時長戴，務求全天候追蹤健康數據。不過，你知唔知，原來一啲錯誤嘅佩戴習慣，隨時令你手錶上嘅心率讀數大錯特錯，帶來「假安心」，更甚者可能延誤潛在病情！
Smartwatch心率測量「測錯」兩大常見陷阱
Smartwatch利用手錶背面嘅光學感應器（Pulse Sensor）來測量心率，透過發出綠光並偵測皮膚下血液流動嘅變化來讀取脈搏。
但如果佩戴方式出錯，結果就會大打折扣：
戴得太鬆：
-
問題： 感應器無法緊貼皮膚，容易因為手臂郁動而產生空隙，影響光線讀取血液流動信號。
後果： 讀數會變得不準確，甚至完全測唔到（顯示「---」），尤其喺運動時影響更大。
戴得太緊：
-
問題： 錶帶過度壓迫手腕，可能會阻礙血液循環，直接影響感應器捕捉脈搏信號，造成讀數偏差。
後果： 嚴重者可能會令手掌或手指感到麻痺或刺痛，甚至引致皮膚敏感或出疹。
溫馨提示： 雖然手錶科技不斷進步，但心率測量始終係輔助工具，不能取代專業醫療診斷。如有任何心臟不適，請即尋求醫生協助。
正確佩戴Smartwatch心率監測「貼士」
想確保Smartwatch提供最準確嘅心率數據？以下幾個簡單貼士，幫你改善佩戴習慣：
位置：
-
建議： 將手錶佩戴喺手腕骨（尺骨）上方約兩隻手指位，即稍為向上移近前臂嘅位置。
避免： 唔好戴喺手腕骨正上方，呢個位置往往較多骨頭，難以貼合皮膚。
鬆緊度：
-
建議： 確保手錶緊貼皮膚，但唔好過緊。當你郁動手臂時，手錶唔應該喺手腕上滑動。
避免： 戴到喺皮膚上留低痕跡，或者令手指麻痺。
感應器清潔：
-
建議： 定期清潔手錶背面嘅心率感應器，確保上面無汗漬、塵埃或異物遮擋，保持貼合皮膚。
測量時保持穩定：
-
建議： 喺靜止測量心率時，盡量保持身體平穩，手臂放喺枱面或膝蓋上，保持放鬆。
總結：佩戴習慣影響健康數據準確度！
Smartwatch為我哋監察健康提供咗極大便利，尤其對於追蹤心率、睡眠等數據至為關鍵。但如果佩戴方式不當，就好似「得物無所用」，甚至可能因為錯誤數據而延誤咗求醫嘅黃金時間。只要跟足以上嘅「貼身」教學，就可以大大提升Smartwatch心率監測嘅準確性，真正享受科技帶來嘅健康便利！
Source：ezone.hk
【相關報道】
【相關話題】消委會智能手錶測試｜智能手錶邊款好？19款型號測試 $629媲美高價大牌
消委會測試19款智能穿戴裝置，發現即使是頂尖品牌也可能在精準度上有所差異，而價格並非品質的唯一指標。測試包括15款智能手錶和4款智能手環，其測試範疇涵蓋運動數據的準確性、使用便利性及電池性能等多個方面。
報告刊登在消委會《選擇》月刊第568期，題目是新測智能手錶、手環，量度心率可偏差2成！測試結果顯示，Apple Watch Series 9表現出色，無論是在靜態狀態下、步行、跑步或是騎自行車時，其心率測量的偏差都控制在2%以內；相比之下，價格較低的Amazfit GTS 4 Mini在跑步時的心率測量偏差竟高達22%。
Source: ezone.hk