獲派市區公屋固然值得高興，上樓視察後竟發現單位有諸多問題。早前，有一名港人在Facebook群組「香港公營房屋討論區」發文，指早前獲派樂富村公屋單位，地段好、交通方便，但屋內狀況堪憂。當刻馬上向房署反映，但等了數月仍未處理，引來網友共鳴，原來不少人都有類似經歷？
公屋二派樂富村 上門視察發現3大問題
該港人在帖文中提到，表示早前收到公屋配房信，二派獲派樂富村，一家人上樓視察，結果發現單位有多處問題...
單位問題1.發現馬桶有被傾倒水泥的痕跡
↓點擊圖片放大↓
單位問題2.鋁窗D鉸位好多開唔到
單位問題3.冷氣位置僅用鋁板封住
↓點擊圖片放大↓
↓點擊圖片放大↓
樓主當日已即時向房署主任反映，並附上相關照片、影片作為記錄，但對方卻表示工程部已驗收，聲稱屬「正常情況」，只承諾補裝玻璃。但最令樓主氣憤的是，相關補裝玻璃工程至今仍未處理好，他不禁質疑：「訂幾塊玻璃要成個幾月咁耐？」
【原帖文】
網民有類似情況：睇黎我地住同一條村
帖文引起熱議，不少網友表示有類似情況，「我又係，坐廁有水泥漬」、「新規律依家都係封膠板上去」，更有樂富村街坊表示：「睇黎我地住同一條村喎，還原嗰批師傅係好流，做嘢好求其，我塊玻璃都係等咗好耐冇消息」，最後要自費請師傅處理。
網民分享類似情況
↓點擊圖片放大↓
↓點擊圖片放大↓
網民教路4個處理方法
面對工程延誤，有網民建議樓主先不要急於收樓，並分享4個有效處理方法，詳情如下：
- 同主任講窗門開唔倒，屎坑/廚房約師傅裝抽氣扇，佢唔肯裝，師傅話開肯倒窗吾肯裝...屎塔有舊野冲水不順，好大機會塞...
- 有無call房署維修？肯維修嗎？
- 可以去同房署主任溝通
- 去1823投訴啦，房署監管不力，外判管理處管理不善，唔係秘密㗎喇
訂玻璃要咁耐？網民：有本事自己買
對於樓主質疑訂玻璃需時過長，有網民則認為應保持耐性，亦有人直言：「淨係做你一個咩，你以為你自己係主角咩」、「政府嘢係咁上下」、「唔好要，多多要求，有本事自己買」。
點擊看網民留言
樓主交代後續發展
事發至今已接近兩個月，樓主補充指自己尚未簽約及收樓，明言：「未整好玻璃，我唔會收住。」同時他每星期亦主動聯絡房署職員、發電郵至1823求助，但至今仍無下文。他批評房署內部互相卸責：「房署主任，經理就推俾工程部，剩係答你訂緊，工程部又揾唔到，真垃圾！」