不少人外出必定會帶智能手機及「尿袋」，即外置電池，但隨愈來愈多人使用外置電池，當中發生意外的機率就愈高。早前有網友有 Threads 出 post 提到自己乘搭港鐵期間目睹他人「尿袋」爆炸，直言「當事人自己都唔知，差小小燒埋我的頭髮」，認真危險。
即刻按此，用 App 睇更多產品開箱影片
網友乘港鐵期間睹「尿袋」爆炸
早前有網友有 Threads 出 post 提到自己乘搭港鐵期間目睹他人「尿袋」爆炸，「事發時突然間大家你眼望我眼，好大陣𤓓味。原來係佢（當事人）個袋着火，個外置充電器鋰電池喺地鐵到爆咗…好危險，而當事人自己都唔知，差小小燒埋我的頭髮，好彩隔咗一塊玻璃…好彩個火唔係大，好彩有人好冷靜禁停咗架車，同埋攞咗滅火器，同埋踩熄啲火」。雖然過程中幸好沒有釀成重大意外，但足以令樓主大呼「嚇死」。
網友留言「都多人冇鋰電池嘅安全概念」
此 post 一出都引得不少網友留言分享關於外置電池或鋰電池等事情，有人坦言「其實都多人冇鋰電池嘅安全概念，舊電漲少少覺得冇問題繼續用，其實好危險」、「依家咁多人買大陸嘢、PPD 果啲，電子嘢真係唔好貪平」，另有網友分享「我會將屋企鋰電池產品集中放喺當眼處，萬一發漲可以即時處理，以前試過電話電池放咗喺櫃桶，執櫃桶時先發現佢漲大，好在無爆炸」，以及「留意一下，包括電量流失得好快，用緊嘅時候好熱，都係鋰電池損耗嘅現象」。
充電池回收正確做法
如果大家有舊外置電池想棄掉的話，那就要留意當中絕不能當一般垃圾處理。香港減廢網站的充電池回收計劃頁面有提，回收前需取出電子產品內的充電池。另為安全起見，應在電池金屬端子上貼上膠紙，防止在儲存及運送中意外觸碰金屬端子，造成危險。留意的是勿將已損壞的充電池放入回收箱。對於容易損壞的充電池，請使用膠袋（例如重用新電池的包裝膠袋）及膠紙將電池密封，並將充電池交到指定回收點回收。現時充電池回收計劃」的回收點包括全港港鐵站、麥當勞分店、 還有部分 7-ELEVEN、Aeon 百貨、屈臣氏、公共屋苑及商業大廈等，確實地址需向有關機構查詢。
【熱門報道】
【精選消息】
Source: Threads