可能有人去旅行時，會用衣着、是否講廣東話想辨認對方是否香港人，但如果要大家用言語來證明自己是香港人的話，到底又會怎樣答呢？最近在 Threads 有一個 reply 是「如果你係香港人，咁你答我美源髮彩下一句係咩」，雖然去到很後期的回應才有人答正確答案，但就引來不少網友爭相回覆可以辨認是香港人的「密碼」，連前 TVB 體育記者伍家謙都出題：「父親節去麥當勞同職員講句咩會有嘢送？」
即刻按此，用 App 睇更多產品開箱影片
「如果你係香港人」有咩辨認密碼？
最近在 Threads 有一自稱是在台北的香港人出 post，提到小紅書在台灣被禁是出於政治考慮，但其實沒有太多網友回應樓主所言，反而被另一個留言洗板：「如果你係香港人，咁你答我美源髮彩下一句係咩」，引來不少網友爭相回覆可以辨認是香港人的「密碼」，comments 數量超過 1,500 個，確是幾意想不到，就連前 TVB 體育記者伍家謙都出題：「父親節去麥當勞同職員講句咩會有嘢送？」。
網民拋出勁多答案仲要「全部有聲」
眾多網友辨認是香港人的「密碼」之中，基本上大部分是耳熟能詳的廣告 slogan，可謂「全部有聲」。例如「點解打波先嚟落雨」、「雞蛋 6 隻！糖呢就 2 茶匙」、「夠甘香，卜卜脆，試一包包你鍾意佢！」、「去旅行 搭車又搭船 好暈啊 ～ 快食保濟丸」，以及「時昌迷你倉 8177 7778」。除此之外一些網上 cap 圖或電影對白都有人提及，像藝人陳芷菁信心滿滿答《百萬富翁》題目「答案係 B 啱架啦，拍定手先啦！我讀 Drama 㗎」，但最終答錯出局的場面，以及已離世的藝人周聰在電影《新紮師妹》問及同樣已故的許紹雄：「請問個 sir 字點寫㗎？」這場戲。有網友直言：「覺得自己已經睇完成個廣告環節」，更誇張的是有人留言指：「呢度我肯定無 00 後，全部排隊一人拎一枝白花油先！」。
【熱門報道】
- 你的App正在「偷聽」你講話？網絡保安專家教你「一鍵」關閉竊聽權限 拆解4大「精準廣告」背後的漏洞
- 限時免費｜去廣告神器！YouPlay 終身版限免 $0 入手 實測背景播放睇片聽歌
- 免費零廣告玩AI雪景圖 1優點比美圖秀秀更好玩 揭曉雪景生成指令教學
【精選消息】
Source: Threads