臨近聖誕節，相信不少人正着手選購聖誕禮物送給親朋好友，甚至是自己的另一半，而造型可愛，來自英國的 Jellycat 毛公仔，可謂是近年不少女生或小朋友都想收到的禮物。不過因為 Jellycat 英國官網本身是不能直送產品到香港的關係，因此許多人會經 IG 代購來買，但最近就有網友出 post 分享自己買 Jellycat 公仔，但買中「假到喊嘅假貨」經過。樓主雖說店方最終有退款，但認為都需出 post 警世。
即刻按此，用 App 睇更多產品開箱影片
網友 IG Jellycat 公仔中假貨且代購商店多次改名
近日有網友在 Threads 出 post 分享經 IG 代購買 Jellycat 公仔，但買中「假到喊嘅假貨」經過，表示「一翻屋企拆出黎係假到喊嘅假貨，隻兔仔係假到不能再假，呃都唔呃嘅地步(^^)」，兼且有拍片 show 到實物有多假之外，以及有兩隻在外國門市購買之真 Jellycat 來作對比。另再對比 Jellycat 英國官網本身 show 出來的產品 Bashful Bunny with Christmas Tree，樓主手上的一隻明顯是鼻位形狀線條不及真貨分明，而且聖誕樹部分只較為肥胖，不似真貨是上下有明顯的肥瘦之別。另外，樓主亦提這間 IG 代購已即刻改名為 littlelittle_cutiess，不是之前的 little secret 的名字，試圖瞞天過海，更甚的是，原來這間 IG 代購已不是第 1 次改名，另有網友留言表示「當時買佢唔係用呢個 ig shop 名，用 my.cute.dreamland」，且提自己一樣買中骷髏骨 KC 及太陽 KC 的假貨，以及「呢兩日喺 fb jellycat group 畀人爆料跟住佢又改咗名啦，仲 del 埋 icon 添，新名是 my_cutecute_land」。
只到大型、有信譽商店購買
因為 Jellycat 英國官網本身是不能直送產品到香港的關係，因此許多人會經外國朋友，又或者 IG 代購來買，所以此 post 一出，有網友直言去「Lane Crawford / Selfridges 同 official website 買」，且提醒「越黎越多淘寶貨扮代購，大家買野搵代購建議都係搵翻有商業登記比較好」。另有網友問道：「點分佢係真定假，真心想學嘢」。
坊間分辨真假 Jellycat 大法
事實上現時 Jellycat 官方都沒有公布分辨真假公仔的方法，但在網上 search「how to define fake jellycat」，都有不少外國網站有介紹，例如可從公仔上的紙 tag、style number，甚至是從觸摸公仔手感來辨別，例如真貨普遍是質感像雲一樣柔軟，可以很輕易按下及回彈，而且毛質細膩，觸摸手感是舒適的。
【熱門報道】
【精選消息】
Source: Threads