可能有不少人覺得返 part time 工就不用交稅，但事實卻非如此。有 17 歲網友在 Threads 出 post 大呻自己只是在麥當勞當兼職的小職員，「時薪都係 6、70」，殊不知近日第 1 次收到稅務局發出暫繳稅繳納通知書時，當中列出「30 幾萬年薪」，並「叫我交 3 萬蚊稅」，旋即大為震驚，更直言「第一次收綠色炸彈就咁玩我」。
即刻按此，用 App 睇更多產品開箱影片
17 歲學生返 Part Time 收天價稅單勁震驚
這位 17 歲網友在 Threads 出 post 提到自己過去有返麥當勞兼職「時薪都係 6、70」，但就不明白近日第 1 次收到稅務局發出暫繳稅繳納通知書時，當中就列出「30 幾萬年薪」，並「叫我交 3 萬蚊稅」，以及提到「睇返上年 4 月到今年 3 月銀行月結單，收入連 5 萬都冇」，想不到「第 1 次收綠色炸彈就咁玩我」。他亦表示知道可以填 iR 831 上訴啊，但有感「學期尾好多嘢做，真係好攰啦」，確是隔着個 mon 都 feel 到樓主心很累。後來樓主都有留言提到：「目前未同阿媽講，見到無啦啦要交 3 萬蚊，佢緊張埋一份仲亂」，更提「交完反對評稅張表之後稅局覆咗再算」。
以為樓主亂填表做錯事？
其實近數月在不同社交平台或討論區都有人出 post 提到被稅務局多評了稅，又或者暫繳稅繳納通知書列出的費用是高得難以置信，但好似樓主的例子如此極端的話就相對少見。當然留言之中總會有網友以為樓主亂填表做錯事，「你果 30 幾萬係點黎先？係你填錯數定顧主填錯數？一定有人填錯收入先」、「你無交稅表？強積金都無扣喎 仲要填埋啲父母免稅入去㗎」、「寫左你入息 33 萬，税局無計錯。一係你玩膠，一係你公司幫你寫咗年收入有 33 萬。」
不乏好心網友教做 Objection
與此同時都不乏好心網友教樓主做 objection，就以上評稅作出反對，包括：1）打 follow 你 a/c 個直線電話主任，在稅單右上角有寫的；2）告訴評稅主任知，稅局計錯數，以及 3）好似要寫封反對評稅書，提供實際報稅數目，稅局通常立即處理，收到新正確稅單才交錢的。此外，另有網友表示如有 objection 問題時，「可以義務幫你手」，以及提醒：「如果麥當勞唔畀你你可以去稅局 1 個月內作出上訴，記住係報稅表後一個月內作出上訴。因為係錯誤評估係可以暫緩嘅」，以及「需立即做 objection，若到期交錢仍然未收到更正，你仍然要先繳税，後回水。」
【熱門報道】
【精選消息】
Source: Threads