Facebook Marketplace 是繼 Carousell 及 DCFever 後，其中最常用來買二手電子產品的網上平台，然而在網上平台進行買賣，不論是買家或賣家都好，都需提防被騙。早前有 Threads post 提到樓主在 Facebook Marketplace 遇上出售 Mac Studio 的賣家，但怎料過數給賣家後，對方立即「無咗影」，令其大受打擊，確是「錢又無、機又無，連覺都瞓唔到」。
即刻按此，用 App 睇更多產品開箱影片
Facebook Marketplace 遇古惑賣家售 Mac Studio
這位網友在 Threads post 提到「第一次喺 Facebook Marketplace 買二手 Mac Studio 就俾人呃咗錢了」。樓主表示看到 Facebook Marketplace 有出售 Mac Studio M1 Max 64GB 1TB SSD 90% New 全齊有盒的帖文，就 PM 賣家稍稍議價至 HK$5,000。之後樓主雖提議面交，但因為地點及時間不合而作罷，賣家就提議用 GoGoVan 送貨及提「平放都是過數後先 call 車」。然而樓主經轉數快 FPS 過數後，就沒有了然後。樓主雖然在這個 post 直言「冇得怨天尤人只可以怪自己好純好天真」，但事實上就是因這事而極不開心，「真係好想喊」。他亦提到「啱啱大學畢業兩年幾多咋已經好難儲到錢，5,000 蚊對我嚟講，真喺大數目，你仲要係我大時大節搞呢啲嘢俾我嘆」，亦不敢讓家人知道自己被騙，以及在留言有回應網友提到：「而家都唔知點樣生活落去」、「星期六確定俾人呃就日日諗住」。
網民強調一定要面交＋當交學費
不少網友看到這個 post，強調「一定要面交」來保平安，「唔好話 5,000 啦，500 我都要面交啦」、「一定唔可以先過數呀」、「超過一百蚊我都要面交，我自己都有嘢賣，賣緊 $7xx，有人話入一半錢叫我寄貨俾佢，收到先俾尾數我都唔制，堅持面交」，亦提到「 而家網絡太多騙案，就連面交都有機會呃人，下次醒水面對面 check 完再用現金交收啦」。此外，另有網友認為這次事件就當交學費，「貪平，當買個教訓，5,000 蚊就算齋版 32GB RAM 512GB SSD 都買唔到，何況係 64GB + 1TB」、「好過俾人呃 5 萬，50 萬」，並建議「budget 有限又要信得過去返 Apple 買翻新機會安全啲」。
【熱門報道】
【精選消息】
Source: Threads