各位會乘的士的朋友注意！日前有網友在 Threads 出 post，提醒大家小心怪的士司機。樓主表示自己已是第 2 次遇上這位的士司機，而這位司機在行車期間是有特別舉動的，就是「好多小動作郁身郁勢」，以及「有部大相機ready係車頭，一見到女仔着裙露腳就會即時咁影相」，且是「兩次都係咁」！！！，直言「勁不安」，因此需警世一下讓大家知道。
即刻按此，用 App 睇更多產品開箱影片
樓主兩遇怪的士司機
這位網友在 Threads post 提到自己是第 2 次遇上這位的士司機，行車期間，這位司機「好多小動作郁身郁勢」之外，亦「有部大相機 ready 係車頭，一見到女仔着裙露腳就會即時咁影相」。最初樓主只以為司機是拿着相機拍外面街景，但最係是親眼目睹「有個阿伯行入酒樓，佢又影，我望入去原來入邊有個女仔着住好短裙」，且是「兩次都係咁」！樓主表明自己是「勁不安」，亦「問了警察話咁樣只能告佢危險駕駛」，然而其直言真的不能接受這情況，「佢一路揸一隻手拎住個相機掛住望女人都勁唔安全啦」。
網友同意司機舉動甚怪異
這位的士司機的舉動，確同樣令看到此 post 的網友感到怪異，「邊個好人好者拎住個相機揸的士」、「已經唔係偷拍咁簡單！咁 X 明目張膽痴 X 線。可能佢有裝 hidden cam 影後座添，小心啲」、「唔係老人家掗開手掙咁揸堂軚通常都有啲問題」、「真係完全唔明啲人咁樣影係咩心態？ 滿足到啲咩？」，同時樓主也強調自己乘客期間見到此情此景是相當不舒服，「不停聽到佢咔嚓咔嚓係咁影相 跟住你望到佢仲要係咁影女人 」。當然有網友問及樓主有否拍下行車證，但樓主無奈指：「影唔到佢遮住晒，你坐附近後面就影唔到佢個名，你坐佢後邊就影唔到佢點樣影人相」，只是有留言提及兩次乘搭其車的車牌號碼，希望夠用來提醒大家。
留言竟有意外發現？
在留言之中，除有不少提及這名的士司機行為變態、應該要告其危險駕駛之外，還有意外發現，就是有網友表示：「原來就係呢個死變態，佢部相機外面睇都勁明顯」！當樓主問及網友是否見過此人時，對方更以「望住佢影我，佢當時邊揸車邊影個人伏到好前」作為回應，即有曾被這名司機偷拍的苦主現身說法。
【熱門報道】
【精選消息】
Source: Threads