Microsoft Windows 內置的繪畫軟件小畫家 Paint，相信是每個初接觸電腦的朋友都有用過，記者記得小時候電腦課的功課之一，就是要學用小畫家畫簡單的畫。不過時至今日，小畫家用途已經可以很多樣化，例如有網民在 Threads 出 post 分享「好佩服爸爸到而家仲用緊小畫家嚟畫圖」，確實看這位爸爸的作品，就知其是小畫家界神級高手。
即刻按此，用 App 睇更多產品開箱影片
公開爸爸小畫家神級手繪
雖然現時電腦繪圖軟件選擇眾多，亦大可以用 AI 工具幫忙畫圖，但近日有網民出 post 分享「好佩服爸爸到而家仲用緊小畫家嚟畫圖」，以及在 comment 提到「淨係見佢用直線同擦膠，彎位就有時用下圓形」和 貼上多張設計圖佐證，確是小畫家神級高手無誤！樓主亦補充爸爸是「唔鐘意學新野嘅阿叔…用咗小畫家 10 幾年」，還有就是「連喺電話買馬都唔用馬會 app 特登用 website」。
高手在民間！大讚爸爸厲害
樓主爸爸用小畫家用得如此出神入化，確令一眾網民感到佩服，「小畫家到呢種程度比用 AutoCAD 畫難度要高」、「仲有精準 perspective！！！！！uncle 犀利！」、「呢啲係咪『高手永遠唔會抱怨環境』啲 fd，好勁」，甚至有網民大讚：「家中的大畫家在小畫家中一畫畫地畫家中」，以及「用小畫家畫工程圖 is another level of X 」。此外，另有網友着樓主「買啲藍莓素俾佢補眼」、「快啲幫爸爸換 Windows 11」，那就可以用有圖層的小畫家畫出更多好圖。
↓點擊圖片放大↓
【熱門報道】
【精選消息】
Source: Threads