不少遊客到日本東京旅行要 check 交通路線時，大多數會用 Google Maps 或乘換 Navitime 來 search 怎樣乘車是最方便快捷，而且這兩個方法所顯示的資料都相當詳盡，如乘火車定地鐵，以至車費都一目了然。不過有網民就反其道而行，在 Threads 出 post 提到自己用 AI 查詢由成田機場去駒込的乘車路線，不過就慘被帶錯路，最終「幾經辛苦先去到間 Airbnb」。
即刻按此，用 App 睇更多產品開箱影片
日本旅行信錯 AI 乘車路線
最近有網友在 Threads 出 post 警世：「千祈唔好盲目相信 AI」，之所以會這樣說是因為樓主問 AI「有咩方法可以由成田機場去駒込」，然後最後選坐 Access Express 到日暮里，再轉 JR 線去駒込，怎料上錯了不是去日暮里的 Access Express，而是經淺草線去西馬込。當時樓主「知自己搭錯車，心諗大鑊」，於是再問 AI 怎樣解決，而 AI 就教「押上落車轉都營淺草線去日暮里」。不過更糟糕的事隨之發生，就是「喺押上落咗車，先發現根本冇一列車會去到日暮里。我喺個站內搵咗勁耐，拖住行李，電話剩返 20% 電…行嚟行去都見唔到可以去到日暮里嘅車」，於是決定改問 Google Maps 及跟其方法，「幾經辛苦先去到間 Airbnb」，最終花了 3 小時才到達。
網民直言 AI 非萬能＋更可靠查詢方案
雖然樓主這次信錯 AI 乘車路線的經歷是頗慘，但網友直言 AI 非萬能，都會有錯誤的時候，「問完 AI 唔會fact check 吓」、「問 Google 應該準過問 AI…認真」、「我試過用 AI 排行程，列埋交通，因為日本去得太多次，一睇就發現佢係錯既。最後都係用番方法排仲快。AI 都係參考下就算…」，另有網友留言提及跟樓主遇上同一情況：「我之前又係去東京，又係搵 ChatGPT 幫我定啲行程，順手搵埋點搭車。佢又係點錯我落錯車去轉車，去到果個站都無果條線。最後都係用返 Goggle Maps，好彩只係花多咗 10 分鐘左右時間」。此外，留言之中有不少網友認為 Google Maps、乘換 Navitime 等現有方案是更可靠，「問路一定係 Google Map，唔會用 AI ，AI 包錯」、「唔識換乘案內，都識 Google Maps 啦，點會走去問 AI？！第一次去旅行？？？」、「呢個情況我只信 NORIKAE」。
AI 其實錯唔晒？
之不過，留言之中都有提及以上由 AI 提供的乘車路線「其實錯唔晒」：「月台確實係淺草線月台，同埋佢係用押上站搭去京成高砂再坐返回頭車去日暮里同上野方向，簡單黎講就係 V 字形的坐法，你自己 post 張路線圖都好明顯係 AI 嗰個搭車方法嚟。另外其實唔係坐錯車，基本上 Sky Access 如果唔係寫上野的話就係直通淺草線同京急線，去上野就要在青砥或者高砂轉車」、「其實你搭個架 Access Express 經淺草線去到新橋，一樣轉到 JR 山手線去到駒込。不過錯信 AI 無計，去日本可以信 Google map，佢啲班次時間都好準確，仲清晰過 AI。」
【熱門報道】
【精選消息】
Source: Threads