近年不少家居大門轉為使用密碼鎖，讓用家即使沒有攜帶門匙出外都可按密碼入屋。不過，如大家是密碼鎖用戶的話，記得千萬不要被別人看到所按的 password，以及定期改密碼及做好防盜，以免重蹈以下這位 Threads 網民差點被大廈保安企圖入屋，不知其想做甚麼事的覆轍。
即刻按此，用 App 睇更多產品開箱影片
大廈保安撞密碼鎖入屋疑想爆格？
近日在 Threads 有網民出 post，分享大廈保安懷疑爆格的經歷。事緣是早前樓主家中停電，於是到管理處了解情況，然後這位保安員表示「拎住個電筒上嚟屋企話入去睇吓個電錶咩事」，然後在走廊開着電筒「照住我個密碼鎖喺度望住我撳密碼」，但最後找不到電錶位置，於是樓主決定就此作罷，然後保安就留下電筒借用。不過奇怪的事情出現了，翌日樓主想着出門口才順手還電筒時，竟有人直接按密碼鎖想入屋（因為平時鐵閘慣咗唔鎖門嘅我懶得鎖，然後佢好似知道我平時係唔鎖門咁直接開咗我鐵閘），幸好最後聽到輸入錯誤，然後開門看看到底發生甚麼事，發現原來是同一位保安員按密碼鎖，聲稱「上嚟攞返電筒」。樓主對這位保安員的行為極為不解「大佬係咪黐 X 線，你一係就打俾我一係就敲門」，並不明白對方何解會這樣做，「我係咪可以懷疑你係咪以為我唔喺屋企諗住爆格」？
網民提議即做兩件事
對於樓主的經歷，不少網民提議應即做兩件事來應對。第 1 件事是報警和通知管理處，「報警開咗 case 先」、「建議要報警！！佢絕對係企圖入屋喎」、「同管理處投訴呢條友；報警係必須，起碼留個底，之後如果再有咩事，有呢個記錄好緊要」、「報唔報警隨得你，但係一定要通知 1: 管理公司， 佢要知有老鼠屎；2: 業主立案法團， 大家要知道大廈有老鼠」；第 2 件事是更換密碼鎖密碼，做好防盜，「即刻轉密碼」、「換密碼裝 cam，同佢上司投訴，報警講到自己好驚咁」、「換密碼，再裝個有鏡頭嘅門鐘，有啲可以充電，安裝唔難，當然，如果你業主肯換個有鏡頭嘅鎖就更好，但難啲，自己買個幾百蚊嘅門鐘易好多 ，以及「以後記得鎖埋閘啦」。
【熱門報道】
【精選消息】
Source: Threads