不少香港人常言凌晨時段的紅 van 是如同體驗亡命飛車，但其實通宵綠 Van 的乘搭經歷可能都不見得特別好。例如早前有 Threads 網友出 post 提及自己乘坐通宵綠 van 時，該車不只公然超載，而且司機位旁的車速顯示更是長期低水，似是「無料到」，不論看文字及影片都是極危險。
即刻按此，用 App 睇更多產品開箱影片
乘通宵綠 Van 遇兩大危險問題
早前有 Threads 網友出 post 分享自己乘坐 49S 通宵綠 van，從灣仔返回屯門的經歷，並顯然遇上了兩大危險問題。第 1 是該小巴公然超載，樓主表示「1 個鐘得 1 班車」，全員滿座之外，另有 4 人站在通道上，「認真痴線，好危險」；第 2 是「司機後邊嘅 mon 似裝飾…唔着燈…」有感車速顯示似是「無料到」，坦言「求神拜佛，要平安返到屋企」。
49S 為「有緣人路線」？
有網民看到這個 post 後，認為這次經歷沒有甚麼大不了，「其實通宵小巴好多都係咁」、「咪 X 多事啦全盛時期 30 個都係咁」、「通宵交通係咁㗎啦，有危險知㗎，咪小心啲囉」，亦直言：「你有得上車先會咁多嘢講啫，你上唔到嗰陣你就唔係咁多事啦」。因此都有網民反問：「安全定生命重要」外，也提「等下班會死咩，拎自己條命搏」。之不過，留言之中都有人指出 49S 這條路線有點特別，「唔同司機行唔同路線，有個好好人沿路無站牌都畀人上落，講低屋苑揸送到附近落，有個無站牌無得上落跟足路線行 」、「呢架車成日開有緣人班次，都唔知幾時先有車，過海嘅話 N969 好過。屋企唔近 N969 沿線就去到屯門再轉 N260 或的士」。
綠 Van 有固定服務範疇
運輸署的經營公共小巴（專線）服務的條件有提，獲批准的公共小巴（專線）服務須按照路線、時間表、車費表及車輛分配來經營。如翻查資料所知 49S 的班次為 30 分鐘的話，即是以上樓上提到的「1 個鐘得 1 班車」，以及網民所提的「唔同司機行唔同路線」、「呢架車成日開有緣人班次，都唔知幾時先有車」的話，意味此路線有可能與其固定服務範疇不符。
【熱門報道】
【精選消息】
Source: Threads